مو كل صديق أوياك صادگ تظنه
عدنه الصديق ايصير اغله من اهلنه
مو كل صديق أوياك صادگ تظنه
عدنه الصديق ايصير اغله من اهلنه
طگ گلبي منك حيل تلچمني كل ساع
غيمه ولفاهه الريح ذاك التعب ضاع
حرگه وقهر وجروح وبضيمي ملچوم
هم لوحديد ايموع گلبي من الهموم
عفيه اعله روحي روح زين وبقت روح
هم لو جبل چا طاح من كثر الجروح
نار بدليلي اتفور تلهب بلكتار
ماورج الشمات لو مو تشب نار
بس حملي يوم الطاح محد فزعلي
الشامت صبح شراي والباعوا اهلي
هاكثر بيه جروح هاگد بچي ونوح
روحي أعله روحي تنوح چاشنهي من روح
ياگلبي نام بيوم ولاتسمع أعتاب
أسنين أعد أجروح وأغلط بالحساب
جسر الصبر لو طال أعبر وأرد ليه
وحته الصبر لوغاب أصبر وتانيه
طير وجنح مكسور عد ياهل أزغير
روحي بيسر وتلوج ماتقبل أطير