هنا

[عامر رشيد]

مسكين ياشعب ألذرى ..
ردوك چنهـــــم للورى ..
باكَوك وعيـــونك ترى ..
أمريكا وي هل جوكَه ..
عند ألحكومه ألبوكَه ..

[عامر رشيد]

مرينه بيكم ياحـــــمد ..
مامش بعد شي أنحصد ..
كل ظنتي الظلم انوئد..
لابد طريقه أنعوكَه ..
عند الحكومه البوكَه ..

[عامر رشيد]

يا خويه شو زاد البخل ..
والخل بعد ما ضلّه خل ..
حته النهر عاف النخل ..
من كَطعوها اعثوكَه ..
عند الحكومه البوكَه ..

[عامر رشيد]

بيدين حسنه أم اللبن ..
احلامنه كلهه انتهن ..
صارت الغيرة ابلا ثمن ..
ويه اللبن مطروگه..
عند الحكومة البوگه ..

[عامر رشيد]

غاب الضمير وما رجع ..
والشعب مل من الوجع ..
لغير الله صدگ ما ركع ..
وحدوده ما مغلوكَه ..
عند الحكومه البو كَه ..

[عامر رشيد]

هاي الحكومه امخالفه ..
ما ظن بعد بيهه وفه ..
امبينه القضيّه امزيّفه ..
وبالكَصه هالمدكَوكَه ..
عند الحكومه البوكَه ..

[عامر رشيد]

شيجيب عدلك ياعلي ..
شوف الوطن هالمبتلي ..
أرضي وصفت ماهي الي ..
ولا بيها الي طابوكَه ..
عند الحكومه البوكَه ..

[عامر رشيد]

الدسـتـور گِـلي شـوصه ..
گـطعــوا علينه الحصـــه ..
والشـكــر بـاگــوا نصــه ..
خلــونه بس انضوكَـــه ..
عند الحكومه البوگــه ..

[عامر رشيد]

رغم الجرى ياهالوطن ..
واهوالك الراحن وآجن ..
تبقى عراق النه حظن ..
عاشكَ وفي المعشوكَه ..
عند الحكومه البوكَه ..

[شاعرة المستقبل]

الله ..
صح لسانك ..