هنا

[عامر رشيد]

بيـــــــــــــه الصـــوچ أدري وانه غلطان ..
ولازم عــــــــــــالغلط يدفع غلطتــــــــه ..
أنتـــــه المــــــــــــاي عندي أشلون ابديك ..
لتصــــــدگ أعـــــــيش بلايـه أنـــــــــته ..

[عامر رشيد]

لحد يدور احگوگه....
عد الحكومه البوگه ..
مگرود يبقه ابن الوطن ..
حسباله حسباته انتهن ..
يعتقد زردومه اندهن ..
مايدري بس هالضوگه..
عند الحكومه البوگه ..

[عامر رشيد]

مگرود ابن الاهوار ..
وأبن النجف والانبار ..
بوگ ونهب للستار ..
والشعب نازل سوگه..
عند الحكومة البوگه ..

[عامر رشيد]

نازل السوگ ومنعرف ..
ياخويه اترك هلوصف ..
هسه الالف يلهم الف ..
والميت الف مسحوگه..
عند الحكومه البوگه ..

[عامر رشيد]

مكرود ياهذا الوطن ..
بالظيم عايش والمحن ..
ياهو اليحكمه بهالزمن ..
يلعب لعب بطروگه ..
عند الحكومه البوگه ..

[عامر رشيد]

نشکي ولا واحد سمع ..
عیشونه بوهام وبدع ..
للثوب ماتنفع رگع ..
کلش چبیره شگوگه..
عند الحكومه البوكَه ..

[عامر رشيد]

إحنه اللي سلمنه الوطن ..
بيدين حسنه أم اللبن ..
حگ الفقير إبهل زمن ..
نامت عليه طابوگه..
عند الحكومه البوكَه ..

[عامر رشيد]

مسحوگ ظل هذا الشعب ..
طوبه اصبحوا بعد التعب ..
البرلماني بي لعب ..
وشبچه الهدف مشگوگه..
عند الحكومه البوكَه ..

[عامر رشيد]

طعنه المنافق والخبل ..
وهوايه رخينه الحبل ..
ذيل الچلب ما ينعدل ..
لو بينه خير انسوگه..
عند الحكومه البوگه ..

[عامر رشيد]

مظلوم من يومه الوطن ..
مّرنه أشكااال المحن ..
شكواته بس لله بقن ..
مسلوبه كل أحكَوكَه..
عند الحكومه البوكَه ..