عوّدني أعله بُعدك وانته ابو الطيبات ..
بلچي أعله الصبر يمعود اتعوَد ..
عوّدني أعله بُعدك وانته ابو الطيبات ..
بلچي أعله الصبر يمعود اتعوَد ..
الليله برد الهوى بالعظم صاير يدگ
العين مدري النفس مدري الضلع مختنگ
ظلمه وتلملم غيم وشتد مطرهه
روحي اشتهت ملگاك من فلك طرهه
اضحك وگول بخير ما بيه كلشي
وانه الحزن وياي من امشي يمشي
دگ هاونك يا حزن ... واسحن بگايا الحيل
ثلاثين عام وحمد ... لا مر ولا اجه الريل
دگ هاونك يا حزن
خليني اسمعك ترن
مامش بعد كل رجه ... يوصل قطار الليل
دك هاونك يا حزن ... واسحن بگايا الحيل
خلصت عمري انتضار
وعاشرت
ليل
المحطه
وارتجي يجيبك قطار
والقطار
لويحب مثلي وتشب بضلوعه نار
يسرع بمشيه
ويجيبك
بالفجر کبل النهار
الگاطع
يا حزن دگ هاونك ... خلّيهم ايسمعون
أحباب الي من الجهل ... عالسچه ينتظرون
يمكن قطار القهر
يوصل يصيح ابقهر
والقهر فرّخ قهر ... والريل ، ماجه الريل
دگ هاونك يا حزن ... واسحن بگايا الحيل
حلوالمشاركة الأصلية كتبت بواسطة سارهـ الطائي
وك يا حمد يا أمل ... بعيون الحديثات
شماله قطارك عطل ... ما وصل لم شامات ... ؟
خانتك سچة هلك ... ؟
لو ريل ليلك هلك ... ؟
ننشد نريدك تمر ...والله نشيلك شيل
دگ هاونك يا حزن ... واسحن بگايا الحيل
للّيل لسعة شمس ... والشمس بردانه
والروح نخله بجرح ... من اسنين عريانه
وينه الينشف الدمع ... ؟
ويسمع الماينسمع ... ؟
غص الگلب بالصبر ... شنصبر بعد يا ليل ... ؟
دگ هاونك يا حزن ... واسحن بگايا الحيل