ولف ألصبا بجمر ألفضا ملاني
ظيم وسگم هم وحزن ملاني
فوگ الورد بعد الوصل ملاني
وحت بالأسم ماظن بعد يتذكر
ولف ألصبا بجمر ألفضا ملاني
ظيم وسگم هم وحزن ملاني
فوگ الورد بعد الوصل ملاني
وحت بالأسم ماظن بعد يتذكر
خالفت الوعد ياولفي مو بيدي
وتعرف زين مضبوطه مواعيدي
متأكد أشوفك ثاري تاكيدي
وگف عگرب الساعه والوقت قصر
گتلهه يساعه أتشمتوا بيه
وضيعتي أعز كل موعد أعليه
توبه أن چان أشيلچ بعد بيديه
كلما أنصبچ عالموعد أتأخر
خنتيني يساعه وزاد تعذيبي
حرام أن چان أحطچ بيدي وبجيبي
وقتچ عله دگه أبگلبي
وتاليهه أرجعت فشلان وأتحسر
سامحني يراعي الوفه أمن ألتقصير
وأرجو ألمعذره ياحلو أمن ألتأخير
أحلفلك متتكرر بعد وتصير
وگدامك ألساعه اليوم تتكسر
متابعه
شكرا جزيلا للمتابعهالمشاركة الأصلية كتبت بواسطة الــعـلويـة المــوسـويـة
متابعه
أعرف عالدرب عينك وتتأمل
وأتأذيت من شفت الوكت طول
حقك ياحبيبي لو ردت تزعل
أحسبهه علي وبس لتتأثر
غالي وخجلتني أوياك هالساعه
وما أعرف الميل أمغير أطباعه
أشتامر ياحبيبي أني بالطاعه
ومره الثانيه گبل الوكت أحضر
الموعد ياحبيبي الساعه بالسبعه
ومن شوگي أجيتك ياحلو أبسرعه
وأتعجبت من گالولي بالتسعه
وأنته أتعطلت بالدرب يا أسمر