لاتصد عالتهواه بوگه وحني الراس
گول أنه أحب أفلان وأعلنهه للناس
لاتصد عالتهواه بوگه وحني الراس
گول أنه أحب أفلان وأعلنهه للناس
أرد أنشدك يفلان يل بالهوه أستاد
تگدر تخيط أجروح ما ألهن أضماد
أگدرأخيط أجروح گلبك وتبره
بس لو حبيب الروح يلظملي الأبره
خل جرحي ينزف دوم ماريده يبره
چف الجرحني أشلون يلظملك أبره
گتله أجرحتني وگال تكبر وتنسه
والينسه جرح الشوگ چن ناسي نفسه
طفله وحلگهه أزغير ماتعرف البوس
وبين الرمش والعين خلتني محبوس
أشفافك عله الوجنات دور بعشگهه
وباچر عله البوسات ينضج حلگهه
شمعه العمر يهواي والشمعه تطفه
ياترف كون أنموت شفه أعله شفه
لاتكره الشمات فدوه لهل أعيون
چي يمي ليل أنهار بسمك يلهجون
گتلهه معجب بيج گالتلي شكرآ
گتلهه يمته ألگاچ گالتلي صبرآ