التموا يالشمات كلكم وأگلگم
أتجاملت بلواي موش أعله أهدكم
التموا يالشمات كلكم وأگلگم
أتجاملت بلواي موش أعله أهدكم
أطيهه فكه أرتاح من العشگ بس
أنته الحملت الظيم والواشي عرس
من تحب فكر زين لاتغلط أردود
أختار الوفي أبدنياك وأتحمل وعود
فكرت ست نوبات كل غلطه جرحين
توبه وگطعت الياس من گلبي والعين
لشرگ أضلوعي أثنين بيهن وأخليك
بلچي أتهچع وتنام روحي التهم بيك
تشرگ أضلوعك ليش أنه اولى بيهن
وبالگلب فوت وجور وأسحگ عليهن
أعتب يخي لتگول العتب مرفوع
اليحب يبچي أعليك مايسحگ أضلوع
چان العتب مرفوع بس هسه لاله
غالي الضلع لتدوس يالصرت عاله
صد أنته للتهواه لاتصد بوگه
الچفن حضرناه وكافوره فوگه
صد أنته للتهواه لاتصد بوگه
اليحب كلنه أوياه ننطيه حگوگه