بالغالي سره الحادي ،،، وضعنه
وتهنه من عگب عينه ،،، وضعنه
لفانه الظيم وأتبدل ،،، وضعنه
وصفت ظلمه ليالينه الزهيه
بالغالي سره الحادي ،،، وضعنه
وتهنه من عگب عينه ،،، وضعنه
لفانه الظيم وأتبدل ،،، وضعنه
وصفت ظلمه ليالينه الزهيه
أبحر الحزن فاج الگلب ،،، بلغار
ابنحوله موش خاف أعليل ،،، بلغار
وحگ الهبط ليه جبريل ،،، بلغار
أحبك حب فلا مر عالبريه
يدنيا أشظل بعد عندچ ،،، وفاضل
نكبتي كل وفي وطيب ،،، وفاضل
أحباب العمر بس هاشم ،،، وفاضل
وأخاف الدهر يبعدهم عليه
ربح كلمن حمه من الدهر ،،، خله
ويسدله أبمحضر الديوان ،،، خله
الزمان أشما لعب وياك ،،، خله
الفرح والحزن ينزالن سويه
الدمع طوفان طر عيني ،،، وسدهه
وعلي الفرج رد بابه ،،، وسدهه
چنت جيدوم للدنيا ،،، وسدهه
والوذ اليوم بالمابيه حميه
حنينه الروح وفراگك ،،، شجاهه
وبنات الدوح من نوحي ،،، شجاهه
الدنيا أتگاطعت گلي ،،، شجاهه
أيصير أبهل وكت مامش حميه
أنه أحرگت الگلب والروح ،،، بيداي
وأنه أجعلت الجسم معلول ،،، بيداي
أنه الفاگد الهايم برض ،،، بيداي
وأنه المهضوم بالشحوا عليه
نساني وبعد مايذكر ،،، حباله
وعلي ظيم الدهر شابچ ،،، حباله
ليالي الدهر مشحونه ،،، حباله
تولد كل عجيب أبكل مسيه
يليل الشوگ أمري أوياك ،،، فضه
وگلبي أمن الكدر مايوم ،،، فضه
الكلام أبغير وسبب ،،،فضه
السكوت أمن الذهب بين البريه
أمروتك ياطبيب الخفر ،،، بهداي
رچيچ وكل كتر بالجسم ،،، بهداي
الوفيت الهم ابشده وفرح ،،، بهداي
نسوني ولا صديج المر عليه