أبمدرسة العشگ لليوم ،،، طالب
ومن ربي وصال الترف ،،، طالب
أبنجاحك ياگلب لو ردت ،،، طالب
ولو ،، يوم أمتحانك بيه أذيه
أبمدرسة العشگ لليوم ،،، طالب
ومن ربي وصال الترف ،،، طالب
أبنجاحك ياگلب لو ردت ،،، طالب
ولو ،، يوم أمتحانك بيه أذيه
وفي كبدي نار يزيد وقودها
وأنتم مرادي والغرام يطول
أميل أليكم لا أميل لغيركم
وأرجو رضاكم والمحب حمول
لكي ترحموا من أنحل الحب جسمه
وأضعفه ،،،
والقلب منه عليل
الهوه أشما يمر طاريه ،،، وجسمه
أوذر بحسرتي گلبي ،،، وجسمه
أرحموا النحل دلاله ،،، وجسمه
ضعيف وعلته صعبه وخفيه
دع الحرص على الدنيا وفي العيش فلا تطمع
ولاتجمع من المال فلا تدري لمن تجمع
فأن الرزق مقسوم وسؤ الظن لاينفع
فقير كل ذي حرص ،، غني كل من يقنع
نفسك دوم حاسبهه ،،، ولمهه
تره أمن أيدك مسرتهه ،،، ولمهه
فقير الحرص عالدنيا ،،، ولمهه
وغني اليقنع أبرزقه أبلا شجيه
حگنه لو بچينه أفراد ،،، ويموع
وندگ أعله الصدر بصخور ،،، ويموع
شباب اليوم مثل الشمع ،،، ويموع
وأعادينه تحوم أبكل ثنيه
شبعنه من وعد اليوم ،،، ولغاد
وتعبنه من كلام الهان ،،، ولغاد
أشما أعتب زماني أيگول ،،، ولغاد
وچني أبغير جنسيه وهويه
أشوكت هم العله الدلال ،،، ينزال
وظعني أحرفه أعليك ،،، ينزال
الدهر بالأريحي والشهم ،،، ينزال
ويصعد بالذي مابيه حميه
العگل يبني حكيم اليوم ،،، ونصاح
أترهدن وأنعل الشيطان ،،، ونصاح
أشما أرشد وأعلم بيك ،،، ونصاح
تتوب وتوبتك حدهه أضحويه
أحبابي الوصلوا البيتي ،،، جفوني
وزادي اللي طبخته ألهم ،،، جفوني
أبدمع مهظوم تتراشگ ،،، جفوني
أحبهم والحشم يصعب عليه