تلوم أمتيمك بجفاك ،،، لوسال
بعد منهو الينشف الدمع ،،، لوسال
لاتشكي العدوك ظيم ،،، لوسال
تره أعيون الشماته أبكل نويه
تلوم أمتيمك بجفاك ،،، لوسال
بعد منهو الينشف الدمع ،،، لوسال
لاتشكي العدوك ظيم ،،، لوسال
تره أعيون الشماته أبكل نويه
يگلبي الشوگ للخلان ،،،، وذراك
وهم چانوا ملاذك دوم ،،، وذراك
شتالك للوشوا مانفع ،،، وذراك
برض صبخه وبذرته اعله الوطيه
حكمني العشگ بالحسره ،،، وعافاك
وحگه الگلب لو ملك ،،، وعافاك
دريت الحسن غر گلبك ،،، وعافاك
لچن طول العمر تندم عليه
حدينه بالظعن وبليل ،،، شنه
أخلافك بالمنازل بعد ،،، شنه
عسى البينك وبيني اللبن ،،، شنه
تظل أجنازته فوگ الوطيه
طريح اهواك يامدلول ،،، داره
هواك أضناه موش الفلك ،،، داره
أنحمد كلمن فتح للضيف ،،، داره
وأنه ضيفك مته تعطف عليه
گلبي الهدف للنشاب ،،، والفال
وحرت بين اليشد الجرح ،،، والفال
لون حظي الهجر بالعشگ ،،، والفال
عليش أتعب بعد وأحمل أذيه
أريد أبتعد عن الشوگ ،،، وأخلاص
وأشرد من غرام أحلام ،،، وأخلاص
بعد ماظل وفه ابهل وكت ،،، وأخلاص
وصفوا أهل العشگ كلهم سويه
ياهو الحبك أبكثري ،،، وجارك
طريح وبالگلب يلهب ،،، وجارك
روح أنشد هلك يسمر ،،، وجارك
حلال اللطم لو جرم وخطيه
وحگ طه ونبي عيسى ،،، وصالح
بغرامك بس أنه مخلص ،،، وصالح
تظل لشوكت تتزعل ،،، وصالح
حلاة العشگ من نفرح سويه
الدمع فوگ الوساده دوم ،،، ينصاب
وگلبي أشما يهيد أردود ،،، ينصاب
عود ابيوم ماتم علي ،،، ينصاب
وليفي او يل عراضه أيمر عليه