درر العراق

فقد الاحبه · 14/April/2017

..#عندج #علم #سندوووسة

اذا تلعبين بالحبوب او الاكياس الدهنية الي ابشرتج هالشي راح يأخر علاجها ويبقي آثارها ..

حتى تتخلصين من سواد الركب والمرفقين استخدمي علبة جلوسيد الأحمر ( وسط ) موجود بالصيدليات + ملعقة خل تفاح + عصير ليمونه تخلطين المقادير وتدهنين الركب والمرفقان كل يوم صبح وليل ...

تخلطين دهن (ڤكس والجلسرين) مفيد كلش لان يفتح لون الأرداف وينعمها ويمنع التحسس الجلدي .

سندوسة ورداية ترة كثرة الغسل بالمي الحار يرهل ويهدل الجسم بينما المي البارد يشد البشرة ويحرك الدورة الدموية فدائماً خلي يكون المي مايل للبرودة ..

اذا تحلمين بجسم ابيض شفاف ونعومة خوراااافية استخدمي علبة (جلسوليد) وسط + عصير نص ليمونة+ 3 ملاعق كبيرة بودرة الأطفال + 3 ملاعق كبيرة زيت الأطفال ريحتة تجنن + ملعقة كبيرة خل التفاح تخلطين هذي المقادير زين وحفظيهن بعلبة استعمليها كل ليلة على الجسم قبل النوم ومن تكعدين الصبح لازم تسبحين

للي تعاني من مشكلة المسامات الواسعة والهواية بالوجه انصحج يمسح تمسحين وجهج بعصير الليمون واتركي خمس دقائق الى ان يجف وراها غسلي بالمي الفاتر مرة واحدة بالأسبوع ..
جربي تنگعين اقدامج بمي فاتر بي كربونات الصوديوم لمدة ربع ساعة يومية راح تزيل رائحة الاقدام الكريهه ..

لبياض ناصع وبشرة وردية مشدودة خلطة حلوة وبسيطة (4 ملاعق نشا الذرة + 4 ملاعق مي ورد + كوب صغير مي) تحطيهن ع النار الى ان تصير خلطة متماسكة حركيها بالملعقة الى ان تذوب كل الكتل وتصير مثل الكريمة ومن يبرد حفظي بعلبة ويدهن بي الوجه والجسم لمدة ساعة يومية وراها نظفي المكان المدهون بالمي البارد ..

لبياض ونعومة ونظافة الجسم صابونة الغار (صابونة رگي) برشيها وحطيها بعلبة وضيفيلها شوية مي وأتركيها الى تتجانس وتصير كريمة وادهني جسمج بيها وأتركيها لمدة ساعة أو أقل الى ان تجف وراها نظفيها بليفة خشنة شوية ومي ..

تريدين بشرتج تصير طرية اذا جانت البشرة الجافة (ملعقة حليب بودرة + ملعقة زبادي + ملعقة عسل) تخلطين المكونات زين تدهنين بي وجهج لمدة (20 دقيقة) وتغسلين بالمي العادي وراها تمسحين وجهج بگطنة مغموسة بمي الورد ..

لنعومة الايد اخذي 10 قطرات من كل من : ((زيت السمسم + زيت اللوز + زيت الورد)) تخلطين كلهن سوة وتدهنين بيها ايديناتج يومية راح تلاحظين شلون تختفي الخشونة الي سببها الأعمال المنزلية ..

حتى تتخلصين بشكل نهائي من رائحة الإبطين الكريهه دائماً امسحي ابطج بعصير الليمون قبل الغسل وبعدين اغسلي بصابون ديتول السائل هالشي هالشي راح يخفي رائحة الإبطين لمدة طويلة ...

قناع للوجه الدهني (كاس صغير مي ورد + ملعقة نشا) تطبخ ع النار حتى يتماسك وتحطي ع الوجه لمدة نص ساعة وراها ينغسل الوجه بمغلي الخس الدافي ثم بالمي البارد ..

سندوساتي ترة بدون تنظيف البشرة بصورة صحيحة من الأتربة والغبار هالشي راح يقضي ع نضارة الوجه ويسد مسام الجلد وبالتالي يسارع بظهور أعراض الشيخوخة ..

تريدين الكلف يختفي (اخلطي العسل وية العلج المر /علج بستج) ولطخيها على الوجه واتركي 10 دقايق بعدين اغسلي وجهج ومرري گطنة مشبعة بماء الورد عى الوجه بعدها ..

لإزالة التجاعيد ادهني الوجه والرگبة بالمزيج التالي : (نصف ملعقة صغيرة زيت الزيتون + صفار بيضة وكم نقطة من عصير الليمون) هذا القناع يبقى ع الوجه لمدة ثلث ساعة بعدين اغسلي وجهج بمي فاتر

اختكم فقد الأحبة