ليش يا دهري شلك اعليه مو خلص صبري ارحم اشويه
بس انادي بدمعتي
و يا هو اليسمع شكوتي ارحم اشويه
اتعلمت همي من صبر امي و انحنه ضلعي
اذكر الزهرة و اسچب العبرة و لا نشف دمعي
احسب من الباب چم جرح و مصاب و اندب وانعي
ونتي بصدري شوف يا دهري و ارحم الوضعي
من الضلع تبدي و للغاضرية
و لا زلم عندي غربة مسبيه
و انظر لروس اخوتي و يا هو اليسمع شكوتي ارحم اشويه
هاك اخذ بلواي و عد يا دهري اوياي بلكت انعدها
و احسب اجروحي الهدمت اصروحي و حرت بضمدها
صوب البسمار بضعة المختار و تنزف بعدها
و طبرة الكرار من بعدها شصار خله شيسدها
و بالحسن بعده شفته الرزية من امرد چبده بسم المنيه
والله گطع چبدتي و يا هو اليسمع شكوتي ارحم اشويه
مستمر نوحي و ساكن بروحي و انظر لحالي
من الضلع لليوم و القلب مهضوم و منشده بالي
من ادير العين نحر اخويه حسين و چم نحر غالي
چم نحر مگطوع يا دهر مرفوع برحمه يبرالي
من بعد خدري شدولبت بيه اوگف بيسري عد بني مية
ميسرة و عد شامتي و يا هو اليسمع شكوتي ارحم اشويه
لكربلا ويه الراس جيت يا عباس و ذابله اجفوني
وين ابو النوماس شعتذر للناس من ينشدوني
بالغاضرية بحرم مبتليه بغربه عفتوني
و رحت مسبيه و شسده اعليه و شاهدة امتوني
وين خدري وين و الگمر وينه
وين اخويه حسين بحسرة ردينه
اشلون رد لديرتي و يا هو اليسمع شكوتي ارحم اشويه
رد مع اقتباس
المشاركة الأصلية كتبت بواسطة $شمعة ذي قار$
