هو الي احلى لحظة بحياته من يرجع اجازة ايگول قبل ميروح لغرفته عليكم الله لحد ايگعدني خلوني مشبعان نوم
العسكري هو اكثر واحد يجذب على اهله ايكول لابوه اني ذبوني بلمقر وهو بالمتقدم والقصف فوگ راسهالعسكري الي نص فلوسه ذابهن اباب الشرجي
العسكري هو الي يذكر حبيبته بشهگه عن الاشتياق .
العسكري هو تنزل دمعتة ع امه او حبيبته او اخته ولازم من يمسحها يجذب ويكول لصديقه يمكن عيني ملتهبة .
العسكري هو الي ضلعه وصاحبه وبير سره استشهد ومن يلتحق وراها يدخل للحمام ويون عليه ويكول عمت عيني عليك خوية من امداها الدنيا الي انته مو بيها
العسكري هو الي يتعارك وية صاحبه من ايبدل الواجب وياه لان اتاخر عليه ومن ايروح للمطعم ايغص عليه وياخذ سفري وبطل مي ويودي اله ايكله غصيت عليك
العسكري هو يتحمل جوع وسهر والآكل تعبان ومن ايخابروه اهله ايكلهم ليظل بالكم ترة الغده دجاج والعشا مشاوي والقائد فد يحبني ايموت عليه
العسكري هو الي محد ايلحكة بالتحشيش لازم من تكعد يمه عنده فد طرفة هستوها نازلة للسوك
العسكري هو اكثر واحد يسرح وية روحة ايكول بس انزل اسوي فلان شي واروح لفلان مكان وبس يوصل للبيت ينام نومة اهل الكهف
العسكري هو الي كل يوم يخلي رصيد ابو العشرة من يتصوب صاحبه ويظل يحجي وياه لحد مينكطع ويرجع ايخابره يكمل سؤاله عنه
العسكري هو الي يحلف ايكول بس انزل بعد ما اداوم وخررررب يومه البعد يبقه اهنا وبس ايصير تعرض لو هجوم على مقره ايكول امداني اني ابطل ويكولون عليه جبان ؟!
العسكري هو اكثر شخص بالبيت يحبوه الجهال وخاصة الولد واكثر واحد يشتريلهم من يروحون للاسواق
العسكري هو الي محد يفهم احساسه
حرمان وامل وضيم ويحن
دايخ اربعه وعشرين ساعة
سالفة اتجيبه وسالفة توديه
احلامه هواية
وحظه قليل
همومة توجع
واكثر واحد يبتسم
تعبان ومترب
والشمس سامطة ابو ابوه
بس غيرة وحمية وينگلب اسد ساعة الفزعة
شكد يضحي شكد يصبر يتعب ويتحمل
بس يبقى البطل الي اهله واصدقائه ينتظرون رجعته بسلامه حتى گعدتهم متحلى الا بوجوده
على فكرة هاي نبذة عن حياة عسكري عراقي
تحيه من القلب إلى أبطال الجيش والشرطة والقوات الامنيه العراقية بكافة صنوفها
رد مع اقتباس
