هنا

[زينب النجفية]

جيب اليفتهم من نظرة موضوع
وجيب المن حرف يعرف طباعك

اذا صاحبك يضحك وانت موجوع
اكيدن لو يصح شراي باعك

وأعرف قدر نفسك لاتضل ناعور
على اللاشي تعب عمرك كضيته..

كلمن حضن ولفه ونام مرتاح
وأنت بليل الأزرك ما غفيته ..

وبسك ياكلب عوف الملامات
ما يجدي نفع لومك دريته ..

باعك بالمزاد وسامك بعانات
وانت أنطيت عمرك من شريته ..

ومو كلمن ضحكلك تركض وياه
وكل ناكر وفه رحت أعتنيته ..

ربح كلمن مشى وية اللي بجاه
وغدر بيك الضحكلك وأمنيته ..

وهاي الدنيا دور ولازم ندور
بيها وينكشف حجي الحجيته ..

يتلكاك يضحك كلّه ما مشكور
أثر ليلك بجفني شكد بجيته ..

ولاتدور عذر يا كلبي للجلاد
السوطه بظهر صبري كطعيته ..

وأخذ عبرة بعد لاتاني الأبعاد
دهر تانيت شنهو الحصليته ..

ملامات وعذل والليل والآه
وقلم يمطر ألم ما غيّريته ..

ودورته عمر حد ما طغى الشيب
تاليها بحضن شامت لكيته..
للشاعر

ابوهاجر الشمري

[سئمت الانتظار]

يسلموووووووووووووو

عاشت الايادي يارررب

[علي الازيرجاوي]

يسلمؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤؤؤ

[زينب النجفية]

الله يسلمك علاوي