قصيدة ( نعش الوفيه انشال ) الحاج باسم الكربلائي
الشاعر علي السقاي
ذكرى وفاة ام البنين (عليها السلام)
نعش الوفيه انشال +++ والكل يراقب
اربع زوايه اتريد. +++ اربع غوالب
موقف حزين +++ وين البنين +++ والكل يراقب
من يوم الاجه الناعي +++كل يوم ابسنه تحبسه
تريد الموت يلفيها +++تحس چن عايشه ابغربه
كلما تحمل القرآن +++تشوفه احسين واتحبه
شكثر بچتها هالايه +++" فمنهم من قضى نحبه "
امن المؤمنين ارجال +++صدقوا عهدهم.
ام البنين تريد +++تگضي بعدهم
هاج الحنين. +++وين البنين +++والكل يراقب
نعش الوفيه انشال +++والكل يراقب
اربع زوايه اتريد +++ اربع غوالب
موقف حزين +++وين البنين +++والكل يراقب
انعلن هذا الخبر النه +++ الوفيه ماتت ابهاليوم
فلا حول ولا قوة +++إلا بالعلي القيوم
انعادت ذكريات الطف +++او ذكرنه امصيبة المظلوم
ابنعيها حرنه نتوهم +++ نشم ريحة حرگ وادموم
او حين النعش جابوه +++ او شفنه الزوايا
طفحت عيون الناس +++ابدمع الرزايا
ي-امشيعين. +++وين البنين +++والكل يراقب
نعش الوفيه انشال +++والكل يراقب
اربع زوايا اتريد +++اربع غوالب
موقف حزين +++وين البنين +++والكل يراقب
ثلاث اسنين عگب الطف +++گضتها ابحرگه اوبلوعه
الى ان فاضت الانفاس +++ بعدها الروح مفجوعه
ابنعشها والجفن مطبوگ +++ لا چن تذرف ادموعه
تمنينه يشيعها +++ البدينه الرايه مرفوعه
مايحضر العباس +++ ندري بضروفه
عذر الگمر مقبول +++ گطعوا چفوفه
او دامي الجبين +++ وين البنين +++ والكل يراقب
نعش الوفيه انشال +++ والكل يراقب
اربع زوايا اتريد +++ اربع غوالب
موقف حزين +++ وين البنين +++والكل يراقب
الممات اليوم وافاها +++حزينه او عايفه الدنيه
فقط لو گلنه بيها احسين +++ مو عجبه ترد تحيه
يشيال النعش صحنه +++ نريده اليريض المشيه
انتضر عبدالله يحضرها +++ او يجد من كربله ابسعيه
عبدالله ريت اليوم +++يحضر دفنها
لاچن بعد هيهات +++مذبوح ابنها
ابگطع الوتين +++ وين البنين +++ والكل يراقب
نعش الوفيه انشال +++ والكل يراقب
اربع زوايا اتريد +++ اربع غوالب
موقف حزين +++ وين البنين +++ والكل يراقب
ابصرخه واحسينا وا +++ حسين انشيع الجثمان
او نقره الفاتحه او ياسين +++ او هيه ابذمة الرحمان
نظل نتلفت ابحسره +++ منو اليواريها بالتربان
يريته ويانه لو موجود +++ وانعضم اجر عثمان
نتمسك ابحلام +++ كلش بعيده
اونتذكر ابعاشور +++ گطعوا وريده
ابحسره او انين +++ وين البنين +++ والكل يراقب
نعش الوفيه انشال +++والكل يراقب
اربع زوايا اتريد +++ اربع غوالب
موقف حزين +++وين البنين +++والكل يراقب
اليراقب لا بعد ينظر +++ الجسد خل ينزل المضجع
اكيد ابعالم البرزخ +++ يجوها الچنه نتوقع
النعش اربع زوايا بيه +++ واهي عدها بنين اربع
او ندري ابرابع اخوانه +++مثلهم طاح بالمصرع
واللي سأل وايگول +++ چا وينه جعفر
ايرد الجواب اعليه +++ جسمه تعفر
مرمب او طعين +++ وين البنين والكل يراقب
نعش الوفيه انشال +++ والكل يراقب
اربع زوايا اتريد +++ اربع غوالب
موقف حزين +++وين البنين +++ والكل يراقب
صحنه يا سلام الله +++ على النامت قريرة عين
هاي اللي بواچيها +++حفرت عالوجن نهرين
بچت احبابها وهاليوم +++ عگب لهفتها مجتمعين
لاچن حتما او لاشك +++ اولهم اجاها احسين
كل السؤال اعليه +++حته ابأجلها
يبني تگله احسين +++او يمه يگلها
لو تسألين +++ وين البنين +++ والكل يراقب
نعش الوفيه انشال +++ والكل يراقب
اربع زوايا اتريد +++اربع غوالب
موقف حزين +++وين البنين +++ والكل يراقب
رد مع اقتباس