هنا

[علي الازيرجاوي]

تجيني من بعد هجرك تكول hi
تشوف الدمعة بعيوني و الف why
حعوفك و ابتعد عنك و اكول bye
وبعد لتفكر ابد تسال علية

يا بعد أهلي وكرايبنه وناسي
چذب من كال ساليكم وناسي
صرت دوباره من بعدك وأنا سي
ربطت الدومنه وماتت بديه

الورد لو شم عطرك يكفر بدنياه
ويعوف الحديقه ويغرس بعودك
يمعود دخيلك حن عليه شبيك
مو ذبلت اشفافي بشوفت خدودك

صباحك ياورد ولصبح منك غار ...
...لأن انت الجمال وياك يتشـــارك ...
...ما أكدر اوصفك يعـجز التعبير...
...أخاف من الوصف وياي يتعارك

يحسدوني لأن دار القمر جاري
ويضل نهر الدمع بعيوني جاري
فراشة وهاجرت وردي وأشجاري
وطارت فضلت غيري عليه.......

تـريد انساك حاضر باجر انساك
شرط لعلمتني شلون اعوفــك
خاطر ما اشوفك بعت العيـون
وبعيون الكـــلب ظليت اشـوفك

الك اجمل رساله ابعث وأرقها
حبرها دموعي وكلبي ورقها
يلمسبب سهر عيني وأرقها
عزيز وشوفتك صعبه عليه

اتعارك يا حلو لأجلك واطك طك
وللحساد أذب حرمل واطك طك
أفرح من تراسلني واطك طك
وطك اصبع من تسال علية

ومضـــات
- - - - - -

لخــوي انه چنــت خادم زغيــرون
ولا مــره نخـانـي و كتلــه اســف
وكت الشــده ردته يصيرلي حزام
صــار حــزام بــس حـزام ناســف

وجــهــك نــور ســاطـــع نـــور النـــاس
و عيـونـك خــوات الشيـعــه و السنــه
بعدونــي إعلـه شفتك چن دخلت النار
شوكت تنطيني بوسه و أدخل الجنه؟؟

لا تخــليــلــي ملــح و تكـلــي نـــام
هيــه يا عيـــن إلتغمــض عالملـح؟؟
و لا تكلي شبيك شو ما مستراح؟؟
و إنتــه وســط چـلاي زارعــلك رمــح

تعال احفر بصدري وكلي شنهو تشوف
راح تشــوف مــيــت يـحـفـــر بكــبــره
جـــرح البيــه لا مو بــس جــرح سجين
جرح كلــمــة اروووح .. انسانـي بالمرة

منـو المنكم يكضي الليـل مرتاح؟
ومنو بشفافه باني للضحك بيت؟
يشــردن مني سالوفــات الافــراح
وحتى الصبــر ضاج و كـلي ملـيت

مو كلمن يهملك يعني ناسيك
ولا كلمن يذكــرك يعني يهواك
اكو وياك كاعـد بس كلبه لبعيد
وانه بعيــد لكن كلبــي ويـــاك

اسجد من اشوفك واشكر السواك
خلي بماي شوكك روحي تتوظة
يل من طين واكفر لو كلت من طين
بس طينك ذهب ومطعــم بفظة

دور وجهك فدوه عن عيني انعميت
انـت وجهـك مــوطبيعـي بنوره
سولفوا عنــك كبل ماصدكـيت
ومن شفت وجهــك لكيته اسطـوره
اطيني خدك !! ها؟ ولو زحمه عليك
...خل اضوكه بريجي احس مــروره

ابوسك بالحلم واعلن صيام أسبوع
طعم شفتك دوى ويمنــع شهيتي
إذا أبوسـك صدك راح اضعف هواي
لأن راح ابــقى صايـم حـد منــيتـي

كيمر جنها شفتك والحلك ماعــون
والخـــد العليك تكــول كاهيــه
المن جاي يمي وانه الك جوعان
جيتك هاي حرشه لـو حسن نيـــه
شايف من اكظك !! إلا أكفـر بيك
وماخلي أ علـى حالك منك شويــه

مو كلمن فتحلك باب يهواك
ولا كلمن يكرهك بابه ينسد
اكو مسدود بابه وكلبه مفتوح
واكو مفتوح بابه وكلبه اسود


دارمـيـات
- - - - - -

قـشــمر جـميع النـاس بـس انه لاله
چـذبـك صبـح مـكشـوف دور بـدالــه

تدري شوكت انساك يا اغلـى مني
من تسمـع بـ إيـران يحكمهــا سني

بالكلب سبع اسهام حيل أوجعني
بيهن سهم فركــاك هــوه الكتلني

بوسـني فرصة اليوم ليش انت خايف؟
هو الله بــس للبـــوس ســوى الشفايـف

متكلي بالله شلون تاليهه وياك
افرح واكولن راح واكبالي الكاك

افرح واكولــن راح بــس لا يجينــي
ثاري انه رحت وياك ما ترضه عيني

ثاري انه رحت وياك غصبن عليه
ابدمــي حبــك صـار و بكل خليه

أحسـب واعد ايــام وانطر اشوفك
امسحهه من البال مال انه اعوفك

امسحهـه من البال مال انه انساك
للموت اضل يهواي صدكني اهواك

من كلشي اغار عليك ويغثني كل شي
كسر بجمع ما أريـد وي غيري تحجي


ألابـوذيـة
- - - - - -

حياتك يا العراقي اصبحت لاغاز ....... لـغـز
وعمرك من غـزو تكضيـه لا غاز ... إلى غزو
لا نفطـة التصـح بشتـاك لا غاز ... ماكو غاز
ويه الكهرباء راحن سويه

عدي سنين هجـرج عــدي ميـات
الـ عنـي يروح مثــل العـدى ميـات
وانه هواي مثلــج عنــدي ميـات
وشرط كل وحدة منهن تسوى مية

ولاء الكـــون مــا يحـمــل ولانه
و لا انــت الخـنــت بيــه ولا انه
فـاركـنـه الــزمــن وليـــه ولانه
و لا خلانه نتلاكه سوية

اليلومـك دوم يبعــد ما يقارب
وعشرتنا يا غالي ماي وقارب
تدري شكـد احبـك؟ ما يقارب
بكثر كتاب شعر الجاهليـه

من فركـاك نهــر دمــوع صبيت
والك تمثال وسط الكلب صبيت
أصب الجــاي و كلاصين صبيت
أحسبك كاعد ونشرب سوية

بقينه بعش حزنه وما نقلنه
وحجي الوادم لوادم ما نقلنه
الوكت من امتحنه ما نقلنه
واخذنا بكل درس اخلاق ميه

دمع عينــي يحلـو الطول هامل
شجاك لـ حبي يالمحبوب هامل
اذا فد يوم ازعلك كــول ها مل؟
امل منك جذب يلعشت بيه

هـلال العيــد هـلـهـل من شفيتك
و فطرت أبوســه انـي من شفيتك
تـذكـر يوم مـرضــك من شفيتك
احس أشفيت روحي من الاذيه

يلـ همومك ملابس لابستني
وثوب الحزن بيــدك لابستنـي
زعلت لا صالحتني لا بستني
كذبا ما كلت حقك عليه

صرت صوره وضعهه الوكت بيطار
لأن كلبي خذاه غراب بي طار
لو يحظر الرازي و بن بيطار
أشيب راسهم ولعله هيه

ادين الامك ومنسه شكرها
لان جابت حلو مثلك شكرها
حلات اشفافك من الله شكرها
وانا حب الحله ونفسي دنيه

[ღ عِشق ღ]

شكراً لنشرك اخي