مساء الخير بنات
هذا الموضوع قريته وحبيت تستفادون منه لان الي ناشرته دكتوره يعني منشور منقول للاستفادة.....

خل نبلش...
@ديري بالك من تشترين خلطات لتبييض وجهك او تصفية بشرتك ما تسالين صاحبة الخلطة وتكوليلها بالذمة اذا الخلطة بيها كورتيزون لو لاء.. لان هذا الدوا الي هو نفسه البتنوسام ونفسه موجود بالنستاكورت.. هذا دمااااااااااار للبشرة اذا مو بوصفة طبيب وتحت اشرافه.. صح بالبداية راح تصير بشرتك موردة وصافية وتخبل.. لكن بعدين راح تفترين على كل الاطباء وماتلكين حل.. لان يرقق البشرة وتطلع الحبوب وتبين الاوعية الدموية
فرجاءا صيري انت بصفحة والكورتيزون من دكسون وبتنوسام وغيرهم بصفحة

@ ديري بالك من ترحين تسوين تاتو ما تحلفين.. اي تحلفين الشخص وهم تكوليله بالذمة الشفرة جديدة ومن النايلون؟؟ لان اكثر اسباب انتشار فايروس التهاب الكبد الفايروسي نوع سي( hepatitis c ) (وهو مرض خطير طبعا ومنتشر بالعراق بشكل لان ما اله علاج ولا لقاح )هو الادوات الملوثة ونقل الدم والتاتو.. واذا بنقل الدم او بالجراحة احنا مضطرين .. فمن نحط التاتو احنا مو مضطرين .. شبيه قلم الحاجب اصلا روعة ... واذا عجبك كلش فساليها وحلفيها الشفرة جديدة لان شايفة اجهزة التاتو تجي معاها عدد محدد.. فلازم تشتري لكل زبونة وحدة جديدة

@ ديري بالك من ابنك يكون اقل من ست اشهر وعنده كحة وتعطيه شراب فنتولين ventoline ختى لو طبيب وصفه(لان مو كل الاطباء زينين) مع احترامي لكل شخص يخاف الله.. ليش ما تنطيه لان الفنتولين اولا مو شراب كحة لكن يستعمل لاهل الربو حتى يوسع القصبات.. ومن تاثيراته الجانبية انه يسوي تسارع بدقات القلب.. ولان الرضيع اصلا قلبه سريييع جدا فتخيلي شنو ممكن يصير بيه من يشرب هالشراب.. واصلا ابتعدوا عنه وعن التوسيرام اذا ابنك اقل من ١٢ سنة بس في حال وصفه اخصائي اطفال.

@ اخر شي.. ديري بالك تساليني شنو منوم او فاتح شهية زين لطفلي... لان انا والله مااعرف ولا حتى اثق بيهم... صح اكو شراب بيه فيتامينات ممكن يفيد الطفل ويفتح شهيته.. بس غير شي انا ما استعمل ولا راح انصح بيه
ويارب ما تشوفون شر وتستفادون

منقول