ها كضت
ها لابعدهه
ها كضينه
ها بعد بينه نفس
ها لكينه عيونه
ها لا مالكينه
ها مشينه الشوف
ها بان الخرس
ياهم احنه
منين اجينه
ل يا نهايه احنه ابتدينه
اتضيع بين اشفافنه احروف لسؤال
وتهنه وسط بيوتنه وما تصح چلمه تعال
وصاحت الوادم علينه مسودنين
وشككينه ثيابنه
وصاحت الوادم د دلو التايهين
وتيهينه ابوابنه
مسودنين
مسودنين وتايهين لا اخذنه لكاس قبله
ولا توضينه عله دين
وصار فكر لبينه دهنه
لاهو ماي ولاهو طين
مسودنين
نبچي ما ندري عليمن
نضحك و ما ندري ليش
وما درينه انبعنه يمته
وما درينه انبعنه بيش
وكبرت الفشله بسواد عيونه ونگط جبين
مسودنين
وصاحت علينه الشوارع لاتجون
وصاحت الوادم ابد ما يستحون
مسودنين
تعرف الوادم فتينه بس تسد اسماعهه
واحنه محد يشترينه وتركض ع الباعه
ﻻ حجينه بالف شفه
لا لبسنه وجوه ترفه
لاكدرنه نعيش يوم ملونين
وباعنه
باعنه الما مشترينه
وصاحت الوادم علينه مسودنين !!
محمد الغريب
رد مع اقتباس
