وين تريد؟
وين تريد؟!
يادرب الخذاك وصرت هيج بعيد
وين تريد ؟!
ياهو الغرك ومد بغفلتي الايد
ياعين البجتلك كثر ماانة ابجيت
من كثر البجي گيدت عيني بگيد
وحك الراحن وياك وعليك وليك
من اذكرك وجهك انحب لوبنص العيد
ليش تروح؟! جي ماقصرت وياك؟!
من صغتك گلادة تلفلفت عالجيد؟؟!
وهية التاخذك شتريد عود تصير؟!
تلبسلك البدلة؟؟! تجيبلك الوليد
تسويهن ولكن مالهة الحق بيك
ينعاب الي يأخذ موش الة من الصيد
ما ينفع الغير وياخذك عالكيف
كل البيك الية شلون تنسة تريد
انة البانيك بيدي وانت تعب الليل
باني احساسك انة العرس بيش يفيد
وعلي من الزم صورك واختلي بذكراك
موبس عيني تدمع ..حيل حيلي يبيد
ادعيلي بغيابك امشي واضحك كون
وحرورة صواب البية كون تهيد
وانة ادعيلك التأخذها تعرف ليك
موش تربي ترجع والسنين تعيد
م
رد مع اقتباس
