السلام عليكم احبتي..
البعض منكم يعرفوني و البعض الاخر ما يعرفوني..
راح اعرفلكم نفسي ..
اني اسمي مروه
عمري 19 سنه
صف سادس علمي احيائي
من محافظه بابل
جنت عايشه في سوريا بسبب الاوضاع بلعراق...
رجعت للعراق سنه 2002
بيها والدي صار مباشرتا شغله في محافظه الديوانيه انجبرنه ان انعيش اهناك .. على الرغم من انعدام اقربائنا هناك...
بس الحمد لله على كل حال
مرت السنين و انتقلنه الى بابل سنه 2013
بس من اجيت لبابل لسه ابد ما ضكت طعم الراحه و البال ... بسبب الناس الموجودين بيها... على الرغم منهم الزينين و على راسي احطهم...
صرت بلمتوسطه مدرسه حكوميه الي بيها ناس ظالمين ما يخافون الله...
صارت موقف وياهم و ما دخلني بكالوريا(ثالث متوسط)على الرغم اني طالعه بوكتها بس بدرسين ...
و سون المستحيل حتى ما يدخلني...
بيها اني انتهيت اتخبلت و قررت سنه الجايه ما ابقه بيها المدرسه...
والدي نقلني لمدرسه اهليه ... اهناك بلبدايه ارتاحيت من تعاملهم الجيد ...
و فكرت ان انتها العذاب و الاكتئاب.... و رزقت بصديقات ثلاثه جنت اعتبرهن قلبي وروحي و بقينه للسادس و يا ريت ما اجه اليوم الي دخلت للسادس...
تعرضت للغدر و الخيانه منهن ... لا و فوك هذا كوله اني بلرغم الي سونه بيه اني ما سويتلهن شي لان قلب طيب
بس هنه استغلني استغلال و احمد ربي انه بعدني عنهن و كشفت حقيقتهن..
لذلك قررت ارسم خطه لحياتي و مستقبلي لان اهم من اي شي ...
و حبيت اخذ رئيكم
الخطه :
- نسيان الماضي وتركه ورائنا و عدم النظر اليه
- التفائل بلخير
- الابتعاد عن الخوف و القلق حول الامتحان
- التركيز على الدراسه
- تجنب السهر لاوقات متاخره
- التركيز و الاصرار على هدفي
- ان لا استمع الكلام الجارح من قبل الاخرين
و حبايبي اني من باجر ابلش بلمراجعه ....
و يمكن راح يقل تواجدي بلمنتدى..
ادعولي,... و مو تنسوني
دمتم بخير
اختكم .. marwa12xd
