عاندتني..........
وانته أترف من فراشه إمكحله بورد الحدايق
عاندتني
والدمع مثل الرماح
ينبت بكلب الوجان
سنيني دافنهن جنايز من عفتني
ليش خايب
من جنت رمشة جفن ما حاضنيتك
وليش تنسه
من شفت كوكب دنيتي الصاح اليه
وعفته اجيتك
خلي عقلك ينتظر جلماته كاغد
من غرك هو بجفاه
تموع بلكي الورقه بيه
وتغرك وياهه السوالف
وراح اكول إشصرت لجلك
انه صرت مرايه لجلك
وانتفض بيك الغرور
جي شفت عندي اليشبهك كسرتني
بكل ترافة شوك اخذني
وحزني حز
بنص دليلك
حته اراويك الحنين الضامه بكد كبريائك
فاركتني بلا سبب
وطاحت أوراك الشجر من فاركتني
عندي طيفك امنيه لباب العيون
سنين صافن بلكي يرجع
خاطر ايوذر صفنتي
إلسانك ايراويني صفحه
ووجهك ايراويني صفحه
اسلوبك ايراويني صفحه
او ودعت دفتر عشكنه وداسته خيول المغول
انته شكلك
صح حلو وكلش جميل
وراح اوصف شويه منك
حته أبري الذمه انه
وماتضل دين بركبتي
ياعشك مجنون ومخلبص حسرتي
وياشجن حزنان مخنوك بعبرتي
وياسهر تعبان بدروب الليالي
ايطيح وسط عيوني فجئه
تلزمه عوجية دمعتي
يانبع ريحان ومخظر دلال
وياحظن سكران يشبك بالخيال