درر العراق

فقد الاحبه · 1/April/2017

رجعنه بفقرة ديربالج تسويها سندوسة

اليوم خاصة لعروستنا الحلوه
1- ديربالج سندس تصبغين شعرج قبل الزواج بيومين أو ثلاثة لا حاولي قبل اسبوع حتى تعرفين إذا اللون أيلائمج أولا

2- ديربالج عفيه تخلين مكياج هواي ترا كلما المكياج خفيف وسمبل حطلعين حلوه وكيوت ونازكه لأن الجمال مو بالمكياج الهوايه النوب تخرعين جويسم بيوم عرسه ومن تغسلين المكياج ينصدم

3- ديربالج يحلوه من تزيلين الشعر من جسمج مو متخلين طبقة رقيقة من بودرة الاطفال على مكان إزالة الشعر حتى أيسهل عملية الازالة ويقلل الالم وإذا أتزيلينه بالشفرة خلي بلسم للسهولة والنعومة

4- ديربالج يا عسوله من تحفين تغسلين وجهج أو جسمج بسرعة لا لا خلي نشأ طوز بدون مي على جسمج حتى إيبرد جسمج وميطكع ويطلع حب

5- ديربالج يا قمر متخلين باودر لكل جسمج بس مو اطحني طحن لا خلي خفيف حتى من تتعرقين يمتص العرق ويمنع الريحة المطيبة

6- ديربالج يمزيونه متلبسين ستريج اي أكو مال عرايس فيكه وحلو وكيوت حتى يمنع الاحتكاك برجليج وتتعرقين والاهم من هذا كوله من ايشيلون فستانج من تصعدين السيارة متطلع سيقانج الحلوه

7-ديربالج يقلبي مودة تحديد الشفايف راح لتخلون بعد كولولها الأم الصالون أخاف متدري

# حبايب علقوا وتفاعلوا ترا كؤؤلش تعبت وإني أكتب فديےـتكم