اشمالني
تخردل
واطيح
اشماتصدلي
ابخزره ترفه
ونظره سمره

وانجفي
بكاعك شواطي
وسالفه
وضحكة جوالي
ابليله كمره

اتمايل اكبالي ارداشوف
يباكتر درب الصواري
ايشكك بوجه النهر
ويفيض سحره

اتمايل
اكبالي ارداشوف
الكصبه من تحضن هوه
اتمايل
اكبالي
ارد اشوف
النجمه من تلبس ضوه

وماي
بديني
اعله جيدك
ارد اهيم
بكل مسامه
واخدر بكل نسمه
ترفه
اتطشها بنفاسي المسامه

وفدوه
لولحني
ابوجنتك
بلكي
احط رسمي اعله رسمك
وازهي واعلك بيدي شمعه
واحرك اسنيني بوجنتك
واصفه شامه

گوم
بعثرني
اعله شعرك
ارد اشم
كل جوري غافي
امفرع ابخصلت شعر
مامرها ريح

وارد اشوف
اجروف خضره
امطرزه بصفصاف
وامسامر
نثايه اتوادد ابجرف النهر
واخدر واطيح






لـ بشير المرشدي