نصائح للمزوجات حدايق اطبكن على صفحه بس تعلمن
يمسح عين الطفل بالچاي علساس يعقمها
وما يعرف انه هذا يسوي التهاب شديد بالعين.
ينطي مي وشكر او كلكوز بعد الولادة حتى يخفف الصفار وما يعرف انه هذا يقلل الرضاعة ويسوي انتفاخ ومغص.
ما ينطي للطفل حليب اللبأ (الصمغ ) الطبيعي بعد الولادة مباشرة اللى مليان فتامينات ومضادات حيوية
وينطي بداله رضاعة صناعية ( ويطلعون الف حجة وحجة ).
ما يبدي فتامين د من اول يوم بعد الولادة وينطي بداله كالسيوم علمود العظام .
يربط السرة او يحط عليها ربع او حزام من الصيدلية
وما يعرف أنه هذا يسوي اختناق لجزء الامعاء الموجود فى الفتق السرى ويسوي كارثة .
ينيم الطفل على بطنه خصوصا بالاشهر الاولى وما يعرف انه هذا ممكن تسوي متلازمة الموت المفاجى
لان الطفل ما يعرف يتنفس غير من الانف فقط.
احد يكمط الطفل حيل ويشده
بحجة يعدل عظامه
وما يعرف إنّه هذا ياثر على تنفس الطفل .
يهز الطفل بقوة حتى يسكته وما يعرف انه هذا يسوي نزيف بالمخ لضعف شعيراته الدموية.
لهسه ما يعرف يعالج قشرة الراس بزيت زيتون ويرفعا بمشط ناعم
وما يعرف أنو تقشيرها بالايد يترك مكانها التهاب.
ما يعرف ان الطفل ممنوع يرضع وهو نايم عل ضهره لان يسبب الاختناق و التهاب فى الاذن الوسطى.
ما يعرف انه استخدام المهدئات والمنومات والبيبي كال ممنوع وممكن ياثر على مستقبل الطفل وذكائه وممكن يسبب مشاكل على التنفس .
ما يعرف لازم الرضاعة الطبيعية تكون لأخر الرضعة واهم شي ان يوصل الطفل لنهاية الرضعة حتى يشبع ويزيد وزنه.
اكًو احد لحد الان ما يعرف انه المتابعة وايا الطبيب بعد العلاج شي مهم جدا وممكن يكون اهم من العلاج نفسه .
واحد ما يعرف اني شكد احبكم وأتمنى تلتزمون بالنصائح وتفيدون اطفالكم
رد مع اقتباس
المشاركة الأصلية كتبت بواسطة Yhya W. Al-Birrow
