هنا

[فقار الكرخي]

مـرت آسنين العمــر مـر الخيال . وما عرفت الدنيا شنهي آحوالها
ويّ كل صفنه الي آوياها سـؤال ... ..حـيـرتـنـي آلـوانها وأشـكالها
************************************************** *
مـرت آسنين العمر مـر السحاب .. وانا عاقل بين دنيا آمســــودنه
لا هي تهده ولا توكَف للعتاب .عازمه آويا الريح ،ـ موش آمرسّنه
مايها آشـما آصد آشـوفـنّه سـراب .. مـا تظل بلــون ، دنـيا آملونه
روحي مشتهيه عنبها وجفها مـال .. يبخل آعليّه بجـــريد آســـلالها
بيها طالـت وادم بكَصــر النعال .. وكصرت بعين الزمان آطـوالها
************************************************** *
آنا للــــــصاحب أعاين للبعيد .. لجن ما مش صاحب آيشد صحبته
مـــــا تظل ايد بحسن نيه آعلى آيد .. والـيمد ايده الـك من حاجـته
جـنـت بعيون الرفاكَه آهلال عـيـد .. كلها مشـتاكَه آتّـنـطـر طلعـتـه
لاجن العيد انتهى برخص الهلال .الصار خاروعه ويخوْف آجهالها
لها السبب سـلّمت روحي بـلا قتال .. لنّي ماخذ فالها آمـــن آطفالها
************************************************** *
المواقـــــف للضـــــمير وللحليب .. كلمن آيسيره ضميره ومرضعه
أمّـنـت بآقرب صــــديق وطلع ذيب ..آنا آداري وهو لازم مـبـضعه
ناس عدها المسـتقيم آصـــبح غريب .. اذياب بوجـوه الرجال آمقنعه
طفت عيني آمن البجي واليدري كَال .. روت عينك بالدمع ؟ هنيالها
واللي ما يســـــــــواله كَشرة برتقال .. روه بفنجان آكَهوه آمن آدلالها
************************************************** **
مـــــــــــــــــا أريد آملوّن آبليّه قرار ..لـون حــرباء الظروف آتبدّله
ومـــــــــــا أريد اليشعل وميطفّي نار ..بين هذا وذاك خالق مشــكله
ماني خباّط الزلال آويــــــا الصفار ..حتي آعاشر ناس من هالشاكله
الصـفار آشــواي لـــــــو لاح الزلال .. فســدت البيضه وفِلَس أكّالها
لا يغشك صـــــــــاحب بحسن المقال .. هو ميزان الرجــــال آفعالها
************************************************** *
موشح اندلسي

للكبير عبدالكريم القصاب

[ايوووته@]

عاشت الايادي