هنا

[فقار الكرخي]

ولك وينك
يسالفتني وضحك سني
ورفيف احشاي
الك بيه عطش صبير
مشتول ابيادي العوز
يتنطر ضحكتك ماي
رد اوياي
الك دافن خفك جنحين
مارفن ولاهزهن وهف بسماي

ولك وينك
يبرحيتي اشملذ طرواك
من يتلضه بشفافي
يمن بين الورد الكاك
دوم امفرهد وغافي
يمن زندك يزكي الليل
ويثوب حظن دافي
تعال اتكشمر ابخدي
الك شايل رصع شامات
ليل ابهدنس اجويريد
يردن بوسة اشفافك
يمن الله اختزل طرواك
جمل منه حور العين
واتواردهن اوصافك
ولك لمني اريد
انثر شعر محبوس
واغفه ابديرة اجتافك
اريد اغفه اعله جرفك ماي
واتنومس
واكول افيش
اييي افيش
يالمخدرالنده اشمدريك
واندليت عنواني

يالمشذر
الحجي المعسول بلساني

ولك وينك
يالمطرز السمه امرايات
رد وشذر اسنيني
يزمزم من رحت وابطيت
ذبل عودي
وتباها البور
وانخاط بسناديني.
ولك ردلي
الك شايل
عمر عشرين
وافتر بسلف مهجور
ماردلي الصدى
وحسيت
واحد يهوه عشريني

ولك وينك
يالمفَصَل رفيفي اعليك
وامگدر عله متونك
يالمسكر النده النعسان
ذاك ابغمزه اعيونك
يمن تترس صفنتي افيش
من اسمع وتر بشفاك
يعزف جلمة اشلونك







بشيرالمرشدي

[سمراء من قوم عيسى]

الله الله
روووعه

[قلم و ورقة]

رووعه