هنا

[علي الازيرجاوي]

حـاير من تجي بيا وردة ألاكيك ..

حـاير من تجي بيا وردة ألاكيك ..
ويا عين التكفي وبيها اخليــك ..
لذلك لازم اتلكاك بالبيت ...
حته بكل كتر بالبيت الاكيك ...
مجرة انتة شتكفي الغرفة والبيت ..
اسويلك سمه خاطر تكفيك ...
وأحضنك، خاف احضنك والله محتار ...
وأكلك خاف اكلك، خاف أبچيك ...
اطلبك روحي بالله شلون وياك ..
اطلبك روحي حتى بروحي اخليك ..
واروح بورد چفك لاخر الكون ...
واتيه بورد وجناتك ورد بيك ...
واشيلك بالجفن دمعة مجانين ...
حتى إتطيح عيني وما أبديك ...
ردت من عندي روحي وماكلت لا ...
ذبحت بروحي روحي وجيت أعزيك ...
وكفتك رمح يم باب الجروح ...
تدك باب المنية وما أحاچيك ...
ارسمك ماي بس انت بخلك نار ...
وتشعلني شمع بس ما اطفيك ...
عودك ينحني لو مرت الريح ...
وانه شكد صلب بس انحني إعليك ..
تزعلني بكثر ما بالسمه إنجوم...
وانا اضعافهن اضحك واراضيك ...
وتمر بية حلم وتفزز الناس ...
ومحد ينتبه بس انه أفز بيك....
واسولف لك سنيني شيبچن دموع ...
دمعهن دمعه رايح .. دمعه أتانيك ..
وكبل لاتمشي تنزف دمعة الشوك ...
وينشف دمعته علا يبچيك ...
ذيچ الجية تدري انطيتك الروح ...
وماظل شي بعد بس لازم انطيك ..
شوف شباقي بية .. بكيفك إختار
وانت براحتك إخذ اليكفيك ....

[رحيـــل]

انتقاااء جميل
سلمت

[زينب النجفية]

مبدع مو بيدك عيوني