دمرت الكلب من كلت عنــي روح
تكلي ماريدك بعد ولا اريد اعرفـك؟
ليش اني بشنو أخطيــت وياك
جي صنت وحبك ومخلــص بظهــرك
ليش انته منو حت تتهجم على الناس
ترى انته بشر وشباقي من عمـــرك؟
سهرت الليالي ابجيهن بمرارة عليك
ومتحس بشعوري جي محد مسهرك
طلعت حيه انت وسميتني بالشريان
وهسه اني متت مسموم من قهرك
لاتظن ابد راح تنام يوم مرتــاح
لأن الله وعذابـــه دوم متنطرك
ولان انت جاحد وقاسي ويـــاي
اريدن حقي منك وراح ابقى منتظرك
ماريدك تحن من تقره هالكلمات
وماريد بعشرتي وياك اجبرك
لوحه اني ابحر يابحر ضعت وياك
وهسه اني خلصت من طاغوت بحرك
حسيت بيك من الاول انتــه غدار
ومتنـــطر صــدك لسجين غــدرك
بس ماجنت اظنك تنعتني بالخوان
حتى تبرر جحودك وتنتصر بامــرك
هسه اني اعرفت شكد جنت مظلوم
جنتــ كلمـــة حزن بقامــوس شعـرك
صرتلك وطن من جنت بغربه الــروح
جنت شمعه اضويــلك أذا ناسي اذكرك
طلعت انته بلى واشكال الغاز بيـك
ومجرد جسر ياهو اليجي يعبـــرك
بس هذا حدك أرحــل وبعد لتعود
ولا ترجع بعد من بركـاني احــذرك
هسه اني اكلك ماريد اعرفك للمـوت
ولا توكف على كبري ولا ابجي على كبرك
تــحــياتي
رد مع اقتباس
