هنا

[فقد الاحبه]

مساء الخير..اليوم فقرتنه تخص الخياطه .....

بما انو جاينه فصل الصيف او طبينه بي حاليا هههه حابه اقدم الكم نصايح

1-جاينه فصل الصيف يعني راح نخيط دشداشات
سنادس مو تخيطن كواني وتلبسنه خيطن ملابس تكون حلوه ع جسمجن وتكون مفصله لان ابو جاسم من حقه يباوع خطيه مو تنسد نفسه

2-حاولي تكون الالوان حلوه وشعشاعه مثلا الاحمر الاخضر الاصفر الوردي الاوف وايت ،،،،الخ يعني مو تجيبن نيلي والالوان غامقه حاولي تعتني بيهن حته تنفتح نفسه خطيه شحلاته من يجي يشوف مرته منوره ومضويه

3-التكول اني كبرت مو مالت هيج الوان

اسكتي احسن المره مو بعمر تمشي حاولي تخلي العمر ع صفحه بملابسج وعنايتج ومكياجج اهتمي بروحج حياتي
ولاتكولي عيب تره العيب مو هيج بعكس انتي جاي تعتني بروحج العيب انو تكوني مبهذله ويكون رجلج محروم ويتحسر تره يمشي بقراي العبيديه جموله مو تكولي نور عيني فقد الاحبة ماكالت تره جموله متحلفه ع نسوان ديربالجن هههههه

4-حاولي لاتكثري من الملابس المشجره حيييل جنها حديقه عبالك يجي ابو جاسم عباله طاب الزوراء
حاولي تكون ملابسج مشجره تشجير بسيط وحلو او ساد

5-هسه نجي ع نقشه حياتي وترتيب باعي عمري

اذ دشداشتج تكون مشجره خلي النقشه بصدر لونه بارز وبسيط مو تسويها هوسه

اما اذ تكون ساده فانتي حره بانقشه واكو هاي نقشات جهازه تكون بصمه خليجيه تخبل تره من تخليها عبالك جهازه تصير
ويفضل ويا هاي النقشه اقماش مو كودري اكو انواع حلوه لان الكودري يتعقج وشويه يطلع مو حلو ويا هاي البصمه
حاولي تشتري اقماش ذاب روحه

6-ارجع للابسات اسود الله يفك حزنجن حبيباتي ويصبرجن
حابه اقدم الجن نصايح هم حته مو تكولن نور عيني فق الاحبة نستنة حبيباتي ما انساجن

ا-حاولي تكولن الدشداشه هم مخصره ع جسمج حياتي خاصتن اذ انتي مزوجه خطيه رجلج
ب-خلي نقشات حلوه بدشداشه اكو بصمات حلوه تره سوده
واكو قيراجات حلوه هم واكو خرز هم حلوه.

ج-حبيباتي اعرف حزينات بس هم لا تهملي نفسج لخاطر رجلج

7-لمجموعتين لا تخلي الخياطه تخيط ع ذوقها
خلي عندج قرار بملابسج طبي ع كوكل وكروبات وبيجات وباعي موديلات وفصالات وروحي محلات وافتري ع اقمشه واهل ادوات الخياطه باعن قيراجات الخرز البصمات كولشي يخص هذه شي واخذن فكره واشترن ع ذوقجن
لاتخلنهن هنه يخيطن من ذاتهن.

8-هسه تكولن هنايلهه اشكد تخيط هيه الله وكيلجن مكضيتها كوله جاهز اشتري ههههههه
عندي مكينه واعرف اخيط وما اخيط مو عجز بس احب الجهاز تكون موديلاتهن تخبل ورخيصه
نوبات اشتري واخيط من اطك بعقلي بس...

[أغرد بهمس]

خوش حجي

[الــعـلويـة المــوسـويـة]

عفيه خوش قصف

[تشيللو]

هسه لو مو عدجن علم ناخذ الثانية والثالثة والرابعة احتياط

[فقد الاحبه]

خوش حجي

نورتي

[فقد الاحبه]

عفيه خوش قصف

نورتي

[فقد الاحبه]

هسه لو مو عدجن علم ناخذ الثانية والثالثة والرابعة احتياط

حياك الله

[دموع]

حلو
خوش نصائح
شكرآ

[نـايـا]

عاشووووو فقودة

[فقد الاحبه]

حلو
خوش نصائح
شكرآ

نورتي