السلام عليكم ورحمة الله وبركاته ...
صدك من عفتني ارتاحت ورود
بيهن مااشوفك خاطر اشتم
وكف بالنفس عزرائيل بإحساس
وتحول شهكة بأسمك وصل للفم
وماسولف شكد بنيت احلام
تعال ادخلني شوف بشنهو احلم
وبعد ماخذت حيلي سألت عالحيل
بمعركة المشاعر حيلي يهزم
وبجرحي اجو صيفو الشمات
اي شلال جان ومايرد هم
واقشمرهم اكولن ولفي ليعود
وانا بالي ندغني وكلي حرم
بصفنة وما اجيت شيقنع البال
صفنتي بدونك بفزات ترجم
اه يالرحت ليش وداعك كصير
زيده شوية خل جفي يتعلم
يالمكدر دمع عالعين حسيت؟
شما تكبر عيوني الدمعة ترهم
وامس ريتي بجتلك نفس مخنوك
خد ماعدها خاطر نفسي ينلم
حسرة تمرجحت بالصدر وتخاف
لو وكعت تكسرت صعب تلتم
جم اخ والمهن والله مشغول
اسامر طيفك وخلكي يتهدم
يالجان الفرح من يعتني وياك
اسأله بداعتك مر يمي؟؟؟ سلم؟؟
رحت خذ مغرب الله وياك ارجوك
انكسر خاطر وحشته عليه تندم
لان كلبي انة طيب وإسأل شلون
بي لوداعك انة مخلي مرسم
بقلم عمر البياتي
رد مع اقتباس