العجيبه الثامنه أنت
العجيبة الثامنة أنته وأشهد بهاي
هم أجمل عجيبة شافتك عين
كنس لمحت جمالك صنفتك حور
مثل حسنك أبد ماصنفت أثنين
أجينه أنطالبك ياشجرة الشوك
من وجنة خدودك نشتهي التين
ياسر الحسن مفتاحة بشفاك
ياخذنة الهمس وروح ليوين
تقليدي سؤالي يمكن يصير
أذا سألك جمالك جايبة منين
أنسي هم مثلنة وهذا ميجوز
عسل مخلوق كلك وأحنة من طين
نحت منحوت طولك جنه تمثال
أنتعش وكت السياحة بجالك سنين
على صدرك معارك دارت هواي
عوف القادسية وأنسى حطين
وبشعرك توسد ليل نعسان
الفجر مالاح منه بس خصلتين
أذا تمشي نصلي ع النبي وياك
نقره قل أعوذ نتلو ياسين
عقال أحنه جنه ومن لمحناك
نسينه عقولنه وصرنه مجانين
ملحة وجوهنه ومن يوم شفناك
من فضلت جمالك صرنه حلوين
بيع شوي حسن للوجهه تعبان
وشيخسرك اذا تنطينه بالدين
علينه من فتت أهتزت أرواح
لاتطلع علينه تفوت مو زين
ماتت روح من مرة انت مريت
مو زين وبقينه لهسه عدلين
كبل لاتطلع أنته أنتظر أرجوك
على طلت جمالك راد تمرين
أحماء أحنه لازم ناخذ أنوب
أذا ردنه نشوفك بالبساتين
نشتم الورد والجوري والياس
ونصفن ع البنفسج والرياحين
ونحضن بالقرنفل والزعفران
ونزرع رازقي بكل الميادين
ومن نرجع نشوفك نستحي هواي
نطش المستحة بسد الدرابين
أظن أنت ملك لا منته انسان
أظن كل وصف منك راد وصفين
يل كلك عجب يل ماعرفناك
من ياملة انته وجنت يادين
لا أبن القصر لا أبن الكواخ
لا أبن المجادي لسلاطين
حيرت العقول أدركها أرجوك
أفصح عن هويتك كول من وين
ولو ندريك مالك بالأرض ساس
منشئ ماألك بيها وعناوين
يامن السما خطار ضفناك
وصيناك عينك ع المساكين
رد مع اقتباس