امي

يمة كعدي ابداعت امج
امحلفك بهاي البراءة
يمة ناجح جيت ابشرج
عشرة ماخذ بالقراءة
يمة بالمدرسة كالـــو
... اجتماع الأمهات ايصير باجر
ومن اجو سألوني امك شو مجتي ؟
ماكلت متوفيه امي
كلت لا تعرفني شاطر
يمة من جتي النتيجة
ماخفت ارسب او انجح
لا وحك رب العبــادة,,
يمة أول ما أجة أبالي انتي ميتة
شلون تقرين الشهادة,,
يمة شحجيلج عليه
من يمر العيد بيه
يمة كلهه اتعيد بأحلى الملابس
يمه بس انه واخوتي
نلبس اهدوم المدارس
يمة شيب راسي بعدج
ابثكل كبرج ثكل همي
عكب مابعيونج احلف
هسه اكول وروح امي
من يجي الليل الجهال ابحضن امهم نايمين
وتبدي واحد واحد اتبوسهم امهم
اي مثل ما جنتي انتي
اشكد حنينة ابوستــج
يمة بس انه عكسهم
حاضن الدشداشة بيدي ونايم بصف صورتج
وابدي ابجي وبيدي ادعي
ياالهي .. !؟
ماأريد اتوفق اني ولا اريد اتزيل همي
ياالهي ... ياالهي
فدوة بس رجعلي امي لخاطر امي
يمة اخذتنه السوالف
خلي اروح
الدنيا راح اتظلم ويبجي اخوية..
يمة متعلمت اجذب
راح اروح
يمة خايف انكتل من مرت ابوية