عندج علم ام السنادس لا؟؟؟
عندج علم ام سناديس لا ؟؟؟؟
.
عيني سندوسه انتبهي ويايه انتي لازم تصيرين قويه وشجاعه وتتحدين كل الظروف الصعبه بحياتج،ومتخلين شي يؤثر على نجاحج ف لازم وضروري اول شغله تسويها هي:
١_ ما تكررين الخطأ الي خلاج تندمين ب كذا مرة
٢_ما اريدج تكونين محبطه ويائسه لمجرد مرة او مرتين فشلتي بشي.خليج قويه.
٣_الله يخليج سندس عوفي التكبر والغرور،ترة وداعتج بس الفاشله مغرورة..ف انتي على شنو تتغيرين كلنا من التراب الى التراب.
٤_حبيبتي لتجهدين نفسج وتتعبيها وتحمليها فوك طاقتها علمود القروده وجويسم يرضون عليج،ترة وداعتج باجر من توكعين محد بحالج.اشتغلي بالشي المعقول مو مثلا كل شغلاتج تجمعيهن بيوم واحد لا حبيبتي هالشي غلط.اصلا الزوجه اذا اشتغلت ف هذا فضل منها.مو واجبها الشغل بالاسلام.
٥_ ما اريدج سندوسه تستسلمين لمجرد زوجج كالج طبخج مو طيب لو اطفالج مستواهم مو زين.لا حاولي تدرسيهم بطرق جديده،وطبخات حاولي تفتحين يوتيوب وتشوفين منال العالم وتمشين على مقاديرها بالضبط،صدكيني الاكل راح يصير يخبل،وراح جويسم كرشه يصير متر
. ٦_#ديربالج حبيبتي تكولين اني شويه واني مو شي مهم.لا حبيبتي انتي فد شي تعرفين ليش بس جربي تطلعين من البيت يوم،اذا ما ضاعو جهالج وزوجج ..وحتى بالعمل وجودج مهم جربي تغيبين يوم وشوفي اذا ما كلها صاحت وين فلانه اليوم.
٧_سندوسه حبيبتي دير بالج من فقرة انه تظلين دائما بنفس شكلج ونفس ديكور بيتج.تره الروتين تحطم.لازم شويه كل فترة تغيرين شكلج.تروحين للصالون كصه شعرج غيريها ،صبغي شعرج.غيري ترتيبه حواجبج.اخذي كم قطعه ملابس جديده،صبغي اظافرج.دللي نفسج شويه بعد شغله تغيرين بيتج وغرفه نومج شويه.يعني حتلو تبدلين مكان الاثاث هالشي كافي..
٨_الله يخليج حبيبتي عوفي التسرع والغضب.هذني يدمرنج دمار.كوني صبورة بكولشي بحياتج.ترة في العجله الندامه وفي التأني السلامه.يعني حتى بكلامج ويه اي شخص،فكري ياله تطلعيها للحجايه.ترة اكو يوكفولج عالحجايه،# .
٩_واخير شي خليج سعيده ومبتسمه ترة وداعتج التشاؤم يجيب تشاؤم وشي يجر شي.خليج مبتسمه،ترة والله اطفالج يباوعون بوجهج واذا انتي دائماهيج راح اطفالج تنعكس عليهم سلبا لان هذوله انتي قدوتهم. واعتقد حجيت كولش هوايه بس اني احب تستفادين وتكونين ناجحه بكل حياتج
رد مع اقتباس
المشاركة الأصلية كتبت بواسطة ولائية موسوية
