هنا

[علي الازيرجاوي]

لون بيدي !


لون بيدي !

وتصفه وياي بس يومين
شلتك عله جفوفي
وعلي الناس خل تشهد
ولون بيدي !
أرد عمري الخذاله وياك شوق سنين
عمر مدفون لاله حساب لا ينعد
لون بيدي ألبسك عمري كلاده
ولون بيدي أصير غطاك
لاتبرد !
ولون بيدي
ولون بيدي !
جا شلتك نظر بالعين
واكتبتك قصيده بروحي تتردد
ولون بيدي أكول انجان ماتدرون
حبيبي بلاسبب من بين أيديه
ابعد !!!
ولون بيدي أسوي الدنيا مرجوحة
لعيونك تلولي وأبيك تتورد
ولون بيدي
أفك بيبان كلبي غنوه لعيونك
ولحد الموت احلف لاتظن تنسد
ولون بيدي
أذب لساني فاضحني
بس اسمك عليه كل لحظه يتردد
ولون بيدي
جا لميت عمري وصحت بيه شوباش
لعيونك حبيبي
ولو نويت ترد !
تلكاني أعله الدرب ناطر
وصبري الجيتك أتعده ميت حد !
ولون بيدي
تعال وكودني من أيدي
يتيم بغير جفك ياترف أيدي
لون بيدي !