انـــه أعوفك يا
اني اعوفك ياعلي بس بشروط
الكة واحد مثلك الينخاه مجاب
وكون نايم ليلة بفراش الرسول
وكون قاتل مرحب وقالعله باب
وكون اذا مات النبي ومابايعوه
مايجر سلاحة ويسوي انقلاب
ومو براتب يشتغل بس للثواب
وكون شاغل كرسي مومشغول بيه
مو مخلينة فقط يملي النصاب
ياعلي شتظن الكالك مثيل
يكدر يرد الشمس وكت الغياب
انتة سر القوة عند المسلمين
بغيرك انظل اعزل ابين الذياب
ياترف لمن تجي كبال الضعيف
عكس سيفك من يمر فوك الركاب
الله من انطى اليحبونك جنان
لازم انطى المايحبونك عذاب
انتة محد صورك تطعم يتيم
لاجرايد نشرتك تكسي الثياب
منو اليعرف بيك من تنطي الفقير
الله يدري وجفك ويدري النكاب
البيه تراب وظال ماجايسته ايد
يعني محد رايدة وبية شي يعاب
وانتة يابو تراب عكس الفكرة هاي
سر محبتك يكمن بهذا التراب
منو مثلك حتى رايك عدة عين
وجانوا يلقبونهه بعين الصواب
الحاربك ماقاري صفحة من الكتاب
وجا شسوالك اذا قاري الكتاب
انت بالمحراب من تهوى وتطيح
باجر ترد توكف بيوم الحساب
ومانتيهك واضحة اوصافك اكيد
زايرينك ونعرف لون القباب
وحتى من نتيه هم نسأل عليك
ماكو غيرك حيدر وصاحب مصاب
اللهم صل على محمد وال محمد
رد مع اقتباس
