ياموت اجاك اومااجيته انته

ياموت اجاك اومااجيته انته -- هذا علي معرفته

وشكثر سرت ابدربه -- مارجف منك كلبه

اومر هبته --- هذا علي معرفته

__________________


دنت ساعات الرحيل اوفجر مرعب راح ينطر

مدري يابدر اليغيب واجه الموت ابمشيه يعثر

مايهابك لايموت اوليك اجه حيدر اموزر

عازم طلعلك حيدره -- اتعناك ويشد مأزره

ياموت لوله امقدره -- الباري چان اعليه متكدر

هذا الذي ضحاك دوم ابوجهك -- لو فارس انته تهلك

تنخطف روحه اليدناه -- بالوغه ياموت اوياه

مو شفته --- هذا علي معرفته

__________________

شفته چم غزوه غزاها وبفقاره انته لابد

لو ضرب ياموت ضربه مايثنيها اعله واحد

وذيچ الارواح الفناها حاضره ابعينك تشاهد

ياموت وبچفك تلم -- من فيض ارواح الزلم

حيدر تشوفه مايهم --- اكبالك امشمر الساعد

عصاة موسى والبحر شك مايه -- ياموت حيدر ايه

وتجله نور الكرار --- وچف موسى ابيض من صار

معجزته --- هذا علي معرفته

__________________

معجزات اشكثر بسمه وبيها جبرائيل كبر

لافتى ناده ابسمائه مره لامو مره اكثر

وسيف لاواحد يحمله من يجرده الكون يغبر

تشهدله من جن اوانس -- شمابطل چان شماشرس

لو شاف حيدر ينخرس -- وللمنيه وجه يصفر

وبيوم خيبر من برزارمد عين -- هل اتى نزلت بالحين

السورة الحج والتوحيد -- ياموت تفجعها اتريد

لو صبته -- هذا علي معرفته

___________________

حيدره بالموت هذا اوكلشي تعرف انته عنه

من بدنها الروح يسلب من انس وانچان جنه

ياهو يمه كدر يوصل وانته هم تبتعد منه

مبياته فوكاه اشرفت --- اعله افراش ابن عمه طفت

مطمئن نايم خوشفت -- وكرب حيدر متدنه

ابكل فخر يم راسه كعد جبرائيل -- يحرس اوياه ميكائيل

والباري شانه ايعليه --- كل ملك يتباهه بيه

مفخرته -- هذا علي معرفته

__________________


وبأحد ياموت شردوا منك اصحاب ابن عمه

من اجت ذيچ الكتايب والرسول اعليه يغمه

علي اليتلكاك صدره اعليك سوه الدنيه ظلمه

ياموت من عنده اشردت -- لهل الاصنام اوطاردت

سياف حيدر شاهدت -- وشوفتك ليه ماتهمه

ماعرف كلبه كل رعب لاماخاف -- منه جفل كل سياف

ياموت شافت كل عين -- ماطعن الا ابرمحين

طاوعته --- هذا علي معرفته

__________________


لا تغيب بدر حيدر لليقين السور ينهد

وناس من هالامه عكبه عن طريق الرشد ترتد

وينهدم كهف اليتامه وللارامل يرعه محد

للدين لاتهدم ركن -- وتلبسه اثياب الحزن

واعليه تجرح كل جفن -- وعين للاسلام ترمد

بيه تفجع الهادي وتيتم عياله -- ياموت لاتدناله

والزينب اتزيد الهم -- وچبد الحسن كبل السم

جرحته -- هذا علي معرفته

__________________

لاتجرح اكلوب بيها جرح فاطمة الزچيه

مابره لساعه ينزف النوب تلجمها ابرزيه

لاياموت ارحم اعياله اوشيعته الحامي الحميه

اهلال الحزن جنه اكتمل

لتغيب اهلال الامل

حي على خير العمل

وتنفجع امة الهادي او لليقين ايطيح صرحه