اريد اعزف جروحك
اريد احرك كلب حبك لحد الموت
واريد اعزف جروحك بس على الناي
واشكك ذكرياتي الجانت وياك
واعميهة عيوني بس انه الجحك جاي
واتنازل الك والجمها الجروح
واضن حتى السما تحزن على بجاي
وعساني بلا عيون مكطعه الرجلين
اذا فد يوم الك يصير ممشاي
مشيت وتيهت كل الحسابات
وبعد لا تنتضر من عندي رده
شلعت ارموشي لجلك كلت يفداك
و رويت جروحي من دمعي التبده
اعذرني بعد ماردلك بيوم
سيف المايهد عار عله غمده
جنت تعرفني بس بيوم تحتاج
وتنطيني حزن وانطيك ورده
تعبت من السهر رايد ارتاح ليوم
اريد ارجع انه لنوم المخده
تتعبني بغيابك و بمجئيك ليش
وتكطع وصل حبي وانه اشده
بعد لو مو فلان اتصير ماجيك
ولا كلبي الترف ينطيك وده
رد مع اقتباس
