كتب شاعر قصيده او راد يتغزل
كتب شاعر قصيده او راد يتغزل
بيك او يوصف أوصافك يل امكمل
شاف عيونك الحلوات يمكحل
طاح القلم من إيده إبمكانه إنشل
رجف من راسه حد رجليه
تغير لونه وتبدل
صاح الله وأكبر هاذه مو إنسان
أظن هاذه ملك من السمه امنزل
شعرك هندس أسود من سواد الليل
إو وجهك چنه طلت فجر من إيطل
جبينك كمر وينور عله العشاك
علیه اهل العشك تسهر إو تتعلل
والحاجب شذر منحني مثل السيف
او سيف المنحني وكت الطعن يكتل
يل جفنك فراشه او نرجس العينين
ودموعك عقيق او عله الخد إتهل
او حلكك خاتم سليمان
والشفه زمرد مدري من ياقوت
لو ميت تبوسه ابشفتك يعدل
والوجنه مثل بلور صنع الصين
وكرستال چیکي او رصعتك تكتل
وسنونك الليلو امصطره ابتنظيم
ما بيهن عواج امعدله اتعدل
والركبه مثل مرمر ایلالي او منه ینبع ماي
يا هو اللي يشوفه اتصوره إمبلل
يل صدرك غصن رمان
بأول حمل من يحمل
يل طولك حلو يا شطبة الريحان
او يل خصرك نحيل او ماكو منه أنحل
ما يحمل ثكل بعده زغیر السن
وردافك ثكیله او بالمشي اتهلهل
یل کلك دلع من تضحك او تبچي
یل كلك دلع من تسكت او تحچي
براءة طفل بيك إتخبل إتخبل
يل كلك حلو من وجنتك للساك
یا ریحة مسچ یا هیل یكرنفل
حلو انته برضاتك يا وسيع العين
واحله اتصير أكثر بعد من تزعل
يل مشيك غنج چن مشیة الغزلان
تتلفت برقه او تستحي او تخجل
يا بزرت الشيب او بزرت الكعده
یحلالك دلالك لمن تدلل
يل حسنك سحر يا هو اليشوفه ايصير بي مسحور
يظل ايامه كلهه امعلعل إتعلعل
او لو راهب يشوفك يترك المحراب
يظل طول العمر بس بيك يتأمل
يل ليلك ذهب ونجومه ألمازات
وهلالك شذر عالدنيه كلهه إيهل
تظل انته قصيدة غزل كل شاعر
او يظل كل شاعر إبمعناك يتغزل
:
رد مع اقتباس