كلش باتصالك واضح الصوت
كلش باتصالك واضح الصوت
بس مو واضحة كلش نبرتك
فرق كلش جبير أبين الاثنين
حرورة دمعي وبرودة ضحكتك!!
صوجك علمتني افتهمك بساع
تسكت وافتهم كلشي بنظرتك
أمسح جفن عينك من الدموع
كبل لاتخنك أبصدرك عبرتك
فهمتك وانه كلبي يعجبك بهاي
صوتك يوصله حتى بسكتك
ولاتعتذر عذرك عندي مقبول
خلهه مساتره وهيج افتهمتك
بعد لازم وراي ارجع للأحلام
أرد امسح صور بيهن رسمتك
أجيت أبالي مرة وصدكت جاي
بجيت وشبكة مسودن شبكتك
شبعد عندك حجي وشرايد تكول
تريد تعوفني وصلت فكرتك
حبيبي أتدلل ادري تريدني أنساك
عـفوا قصدي تدلل حضرتك!!
مدري شجابني وكلت اتصل بيك
أجه الليل وجنت وحدي وذكرتك
عرفتك من ردت تحجيلي موضوع
حجيته وغلبت حروفك حسرتك
وعرفتك من حجيت بطاري الوداع
عرفتك يمكن تطول سفرتك
قفلت أحلامي والخط بعده مفتوح
وكلتلي وياي أي كتلك سمعتك
ردتني أو صف وكتهه إحساسي وياك
وردت تعرف الحصلته بعشرتك
وبجيت وكتلك انته أتخيل أتكون
نص المعركة وتعثر مهرتك؟
على كل الخلص من عمري ندمان
وعلى كل الوصل منك شكرتك
وهي حيره من أودعك ارجع منين
والمن جايك والمن تركتك
من أرد للشمس هسه بعيني ماشوف
يليلي انسيتهه بكد ماسهرتك
يلحالفلي بس ماتارك شهود
بس فراشك وحايط وغرفتك
انعم الله عليك كتلي وانه ممنون
منك على مجازاتي بعشرتك
وبعد ماتفرق انته تعود لو لا
على كل حال من عدهن خسرتك
للشاعر المبدع أيهاب المالكي
رد مع اقتباس