گطره گطره
اعله الشبابيج العتيجه
طاحن الدمعات مني
اتذكريت ايام طيشي
الضاعن بوجهه وخذني
اي خذني
لديره تكره كلمن يحب ويغني
گطره گطره
اعله الشبابيج العتيجه
طاحن الدمعات مني
اتذكريت ايام طيشي
الضاعن بوجهه وخذني
اي خذني
لديره تكره كلمن يحب ويغني
غيب
حته تعرف ناسك وينهم لمن تغيب
ودور ولايه جديده
من تشوف ولايتك تعشگ غريب
ولاتخلي الشوگ يبرد
والهوه يودي الرسايل لَوّن ماصحلك بريد
عيونك الشربت حزنهم
لاتخليهه برجاهم بالك تمدلهم ايد
لـ #احمد_الزرفي
وشنهو ضنّي
الچنت اتانيهن جزنّي
لا لگيت شويّه منهن
ولا لگيت شويّه منّي !!!!
ضايع وكل الوجوه استغربنّي ......
لـ #وسام_سباهي
خليني واهس الك ... من تعطش اتشربه
رسيني واهس عشگ ... مابيه واهس حزن
هاك اسمع اخر نفس ... مشتاگ يالما تحن
لـ #مصطفى_العيساوي
الليله
وحشة كاع غناهه الحصاد بطور اهلهه
الليله
دمعات الشمع من يوكفلهه
باجر تروح الاحلام لديره
ما تعرف النوم بيا مخده
باجر الله يجابره
الراحتله جفين وعزيزات عله خده
لـ #عمار_التميمي
ندري إلشوگ سفرة هم
بَس إگلوبنة إحنينة
إشما نضحك بـ 'وجه إلناس
ذيـچ إدموعنة إمبينــة
لـ #علاء_غافل
اي والمهم...
سولفلي عن هذا الجديد شلون
من يشرب عيونك...يسكر وياهن
تهجه حروف خدك واللغه البشفاك
لو صعبن عليه وماكدر يقراهن..!
يخجل مثلي لو كلش تمادى وياك
والماسويتهن ويـــــــاك سواهن
لـ #ميثاق_الهلالي
لچمه لچمه
الليل جاساني وتعده
وبين شباچ الگلب جم هم تبده
آنه رافگت الحزن والـ آخ والدمعه اليتيمه
تعطش وتشرب من اعيوني المخده
لـ #حسن_وصفي
ثگلان حتى النفس مو جدمي بس ثگلان
وتعبان مو من حمل من الوكت تعبان
بعيوني لمعة دمع
ومنين ما التفت
الگة العمر ذبلان
والحيرة ما تنوصف
لا جرحي طاب وتفض
ولا ميت وخلصان
لـ #حسين_الحبتري
وديلي گلشي الچان من ريحتگ..
مشتاگلك مرسه وشراع وبحر ..