البعد لو بالمسافه الخطوه مگدوره
لو بالشوف چا فضيتها بصوره...!!
البعد لو بالمسافه الخطوه مگدوره
لو بالشوف چا فضيتها بصوره...!!
مدونه جميله تحيتي
متابع
اهلا وسهلا اخيالمشاركة الأصلية كتبت بواسطة أتنفس هواكم
شيجيب باچر عشك
والعشك ضاع من أمـــس
بعيوني شتوة سهر .. بس سلهمت للصبح
من دثروني بحلم
ومن فززوني الصبح
شتّمت حتى الحلم
وأرسمـت صورة حزن تشبـه وجه ديرتي
ياهلي بنآدم يذل لو صادروله وطن
مو خساره شما رخص يمك دمعنه
حاسبينك من الاعزاز وي اهلنه
شبدر منه ومن تلاگينه اعبرتنه
وما نعاتب عاذرينك عاذرينك
ماشفتنه هواي بيها وجوه عينك!!
آخ من تضيج روحك
آخ من تكبر حسرتك
من تطيح وتكبر الضحكه على اشفاف التحبهم
وتكعد أدوّر عذر بيّ ترضي روحك
ليش ضحكو ؟؟
ليش ؟؟
ليش ؟؟
وبين ليش ، وليش
عينك تترس الدنيا بدمعتك
وتلتفت ماتلگه احد
وحدك اتكمل مسيرك
لـ #طارق_الكريماوي
عمري چلمه
اندفن بتراب الرفوف
اقراني ڪلي
يالشعلتڪ بيه نار
انت تڪبر بالضلام
وانه ازغرلڪ شمع
لـ #لطيف_العامري
لا حـجـينه بـألـف شـفه
ولا لـبسنـه وجـوه تـرفه
ولا كـدرنـه نـعـيـش يـوم مـلونـين
وبـاعـنـة الـمايـشـتريـنة
وصـاحت الـوادم عـلينه
مسـودنـين .... مسـودنـين
لـ #محمد_الغريب
هلبت تفز ..
هلبت .. تراودني غطه
انا اعله نيتي ويا العشگ
يجوز احسب الشبگة حرز
والغايه ردت استغفرك
محرابك تلج فضته
والليل اغانيه كحل
وحنه وجدايل مستحه التفن على الرگبه ذنب
لـ #باسم_الخاقاني