عسى وبلچن..!!
تلوحك من بگايا ايامنه صفنــه
وتفر دولاب وگتك وين مادرنه .
عسى وبلچن..!!
تلوحك من بگايا ايامنه صفنــه
وتفر دولاب وگتك وين مادرنه .
و لا ضل طيف يسوه رموشنه تشبگه
و لا ضل باب يسوه چفوفنه تدگه
يروحي الناس كلمن عايش لروحه
يروحي الينلچم يتعود على جروحه
و لا بيها العرفنه منين
من يا طين ونحط ارواحنه بطينه
و لا بيها الـ قرانه منين
من يا ااااخ ؟
و اندل كُل بواچينه
ماشينه العُمر عميان
ما نعرف توالينه
و لگينه بكُل حزن مذكوره اسامينه
و لگينه الدنيا مو منه
و لا منها
و لا بيها اليغنينه ...
وشحچيلك…؟
منك كل وجع گلبي ،
واجي اشگيلك…!
وعن لا ينوجع گلبك…اغنيلك
و چفيت…
وما سمعت الـ وين…؟
ثاري العُمُر رمشة عين
ردت أگلك لا شعرهم جاس گلبي
ولا اغانيهم خذتني
- انتَ بس انتَ الخذتني .!
يالجاسوك ...
محد جاسني لهسه !.
انه ذاك الكَبل دهرين حتى احساسي ضل نفسه "!
ابطرگ جلدي و دهمني الضيم.. راسين
وملاليح اعله جفـن العيـن.. راسين
أمـا يوجد اليـ جمع بين.. راسين
بحلال و يجمع اوياي المنيّـه
اهي بالكاع بس تخوف النار
وصعد ليفوك بس فارغ الدخان
عبد الحسين الحلفي