توازت والله يستر من الموازه
كرهت روحي
چن روحي طريق اتكتلت بي ناس
وجنازه ورة جنازه
ياصبر اليضم الآخ؟
وصلت للعظم سچينة العازة
ولا عندك غرض يسوه
گضن سلعة ورة سلعة
بسعر مكسور ، بيعت ناس معتازة ..
___
الكاطع
توازت والله يستر من الموازه
كرهت روحي
چن روحي طريق اتكتلت بي ناس
وجنازه ورة جنازه
ياصبر اليضم الآخ؟
وصلت للعظم سچينة العازة
ولا عندك غرض يسوه
گضن سلعة ورة سلعة
بسعر مكسور ، بيعت ناس معتازة ..
___
الكاطع
خصرچ سيف حاد
عيون ماتت بيه
يدرن بيه منية ورضن يمشله
لذلك حتى اموت اعترض دربچ دوم
غير العندة سيف
بشدته يسله
ايهاب المالكي
وداينيني
الدنيه ديــن
وصلّي حضني
الشـبگه ديــــن
وبلكي نعرف الله ليش انطانه اديـن ??
لفلفيني
الدنيه عيـب
وهاي وادم حبها جيب
ناس عوزت .. والله ما چملها طيـن
ومن زمـاااااان
سولفت وجهج دعاء
بكل شبابيـچ الضلوع . وكل حچي مدردمته عيـن
وحلمي جـااان
بــ يا شمع صينية القاسم تجيـن
ابراهيم الرائدي
.
وخانه خانه
دورت روحي اعله كيف ومامش انه
:
وحتى ذاك الساكن مرايتنه شال
ومدري ياهو الحط مچانه
؛
حتى عافيتي
احس بعدك مشت
حاولت اصبر وتاني وما عشت
ﭼـنها مو روحي القويه الماتطيح
ﭼـني ورگات الخريف الصوفرت
وين الگاك
تيهت النفس بجفاك
شنو انته ملك الموت
وخذت العافيه بفركاك
يا كلمه التضم صوتي
انه بصوتي التعب ينشاف
واجرع ويل
هلبت ليل زايد للعمر ينضاف
ثاريها شمعزهـا الروح
وكت الضيم من تنعاف
ناشدت كل روجه
عنك كل جرف كحَلت عينه
وأسألت كل الشواطي
بلكت إتجيبك سفينه
ولا سفينه ولا قطار
خلصت عمري انتظار
يــربّ الــشــوف
دلّـيـنـي اعـلـۂ سـچّـۂ صـوت
دولـبـني الـحـچـي الـبايـت
شفتچ
وضگت سكرات العشگ
وطاحت البسمه آعله شفتي
وطاح طليع البنات بروحي كله
ولگح بروحي عثك
الليلة دگ نبضي آعله نبضچ
الليله أول مرة أضحك من صدگ