شفتـگ ..
واستحيت اتعاتب وياك ..
شفتگ مو هذاگ اليسوه العتاب ..
لـ #محمد_الجراح
شفتـگ ..
واستحيت اتعاتب وياك ..
شفتگ مو هذاگ اليسوه العتاب ..
لـ #محمد_الجراح
يـاهو يسوه أدموع عينك ..؟؟
ويـاهو يستاهل نشد وتگله وينك ..؟؟
ليش تعثر ...
مره ضم روحك بروحك
مره چذب ناسك و صدگ جروحك
لـ #جواد_زغير
من تبرد..گبل لا تغفه حضرهن
مكاتيبك..خنگتك.. ذني گعدهن
وفزز كلشي ما يتسولف وي الناس
و بهيده الجروح بـ هيده فززهن
وضم وجهك بديك وگبع الـ ينشاف
وابچيهن لحد ما توگع بـ سدهن
علي الجاف
تره بحجة القسمه انباگ چم محبوب
فرق بين الرضت والبچت بالنيشان
المهم دنگنه من صار الحچي مڪشوف
اليدّنگ بالعتب لو عثگ لو خسران
وسلملي على السدو بوجهي الباب
گلهم هذا غالي وصعبه من ينهان
واجيتڪ وانت تدري بجية المڪسور
واعذرني گلتلك وانه ماغلطان
لـ #علي_حسن_علوان
مسكينة مثل السنبلة
تتخيل المنجل مشط
هيج انة حال أرويحتي
أخذ عطوه وجيب ساده
بكل فصل ينراد ديه
وهذا مشروع الحياة
باعوا الله وكفروا بدين السبايه
وحللوا فصل البنات
ياهو گام وعگد للعباس رايه
انترست ابطون العگل ذمة نثايه
#مصطفى_الاشتراني
يم القطار اذكر شلتلك ريّه
منّي .. ومشيت وواعدتني بجيّه
وهزّيت گلبي ابهزّت الترچيه
مابيّه كلشي .. وكلشي منّك بيّه
لــ #علي_تاج_الدين
وگتلها فقير
شعاجبچ بـ العوز
گالتلي الفقير بـ كلهن معزب
#
أنه الخواف يا دنيا
أنه الخواف من كلشي
لو احلم حلم مو زين
أنه ارجف كبل رمشي
أحط بالباب ألف رزه
وأفز باليل الف فزه
وتعز روحي وأكل للخوف
ضل بالبيت وأنه امشي
لأن مشغول يادنيا
وأنتي معذبه أحوالي
أعبر عالنهر عطشان
والمي مو على بالي
لـ #كاظم_اسماعيل_گاطع
خـذني
بـعيونك سـوالف
خـذني بگـلـيبك حـچي
ولو ثگـل ضـيم اللـيالي
أوكـع بـخدك بـجي ،،
لـ #علي_الشباني