هنا

[فقار الكرخي]

گـمنه نقره اسمك يـگولون
الحمد
گـمنه نزرع بالحدايــق وجهك
ايخضر ورد

گمنه بس.!!من گمـنه اصلا ماكـو ثوره..

ماكو ثوره..
بحظن چفين الثلج ضمينه جمره
انته..واحنه..
انته باقي واحنه ضعنـــه

احنه ضعنـه مافهمناك شــتريد
وانته باقــي
چـي لان فاهم وضـعنه
وچـي سمعناك اشصحــت..
بس ماسمعنــه
وچـي صحتنه ومارجعـنه..
وچـي رســمتنه حمـامه..
واحنه بدلناهه طــعنه..

وچـي شفتـنه..

انگـول عـ.البستان هــيمه
اتيقنت خسرانه معــركة الضماير
حضرت لـنار خيمه..

وانته بس!! الضام بعيــونك امل.
لـ.صحره غيمه..

صرحت وهنانه موقف
البـ.العلن يسحـگله ورده..
بـگلبه معركه الحقد كلش قديمه..

((وعدنه غيمه اطباعـهااطباع البشر
اتعوف حلگ الصحره يابــس تمطر بحــضن النهر!!!))

من العطــش تيهنه كلشي...
گمنه نرسم غيمه وانتاني المطر..
گمنه نرسم جفن نايم واحنه ذابحنه السهر .

انته واحنه
انته عايش واحنه متنــه
انته عايش علمتــنه الموت
للحريه باب
واحنه متنه
چـي نسينه شعلمتنه؟؟

وچـي نسينه الصوت اذا مو النه اصلا
مانسمعه
وچـي لان صدگـنه واحد
جاب عمر ايسب ضلام الليل مايشعله شمعه..

وچي لان صدگـنه خدعه
صار عدنه السيف قانون الحياة
الورده بدعه..
مو جديده ..

علمتنه افكارهم حاله جديد
انجذب القرأن وانصدگ. الجريده

انته واحنه
انته جاي واحنه رحنه
انته جاي وتندل ادروب الضماير
واحنه بــ.اول خطوه طحنه..

(سكتتنــه وافهمت هوسه حـچينه)

چـف طفل عطشان مايروي المدينه..

(ماريد كل جديد وعقله اقدم من بجينه)
(وماريدا كلمن ايذكرنه بينه)
(واحنه اصلا مانسينه!!!)

وكون اريد واحد ايطفي لهيبي
وكون ياخذ فرصه حلوه
ويرسم بگــد الوطن كلمة حبيبي

كون بس الكون راحت واحنه نبچي
كون مانرضه الفرح يشرب جگاره
وكون بــ.ااسم الوطن ماتصعد تجاره

كون بس الكون راحت...
احنه صفكنه القزم سب المناره..





ميثـاق الهلالي

[صًـہۅڤـہِے ًۜۖۗ]

الله الله