صد ليّه بعيونك صدگ صد ليّه بيهن كلشيرضالك الله ابعشرتك آنه ابنه وانته اتفلش
حبيتك وچنت اعتقد ماتنگل اوياي الغش
او فرفحت روحي الشوفتك وگليبي اجاك امعرعش
واتنطرت طرت الفجر كل ظنتي يشگر تغبش
لنك سراب ابلا اثر ما تروي بس اتعطش
هونك يبو زيج الدلع لا تنفخ هم اتفش
والشيب يعله ابهامتك واعيونك اتظل ترمش
گلي شتحصل لو ذبل خدك بعد يا مشمش
* * *
صد ليّه بعيونك صدگ خليني اوج بيهن وج
الي يطوف ابوجنتك چن واصل المكه وحج
ايوب اصيرن من تمر وابمشيتك تتغنج
لو گلبي مرمر ما يحس ويشوف حسنك يدعج
جرح الگلب بعدك نزف والواشي شچه او غمج
مو حگي لو گالوا دمن عل شرب وخيول اسرج
سهران كل ليله اعتقد وادموعي عالخد اترش
گلي شتحصل لو ذبل خدك بعد يا مشمش
* * *
صد ليّه بعيونك صدگ لا تخشه گولة گايل
المال مال الله اعتقد لا تطردون السايل
گلي ابسلفكم هم اكو وادم ترد العايل
ايشوفون حالي ابيا سگم صارت وانته الچاتل
واشهود عندي امدامعي وچتفي ابودادك مايل
ان چان مليتوا الگلب من شوفتك ثق ما مِل
يل شوفتك صارت فرض مص الشفايف ينعش
گلي شتحصل لو ذبل خدك بعد يا مشمش
* * *
صد ليّه بعيونك صدگ واحسبه منك منه
من شخصك ايجينه الفرج وانطب عدل للجنه
تبخل علينه وتشتمر لمن وگعنه ابمحنه
يا ريم سابي المنطقه ما يوم لن تسألنه
وتگول ذوله اتمشكلوا وابحبك اتمشكلنه
حگك وِليت امتيمك ما تنهظم لو گلنه
حيث انته بلسم للجرح اشما تصح منك اش
گلي شتحصل لو ذبل خدك بعد يا مشمش
* * *
صد ليّه بعيونك صدگ ابشْر اوگعت مسني الضر
ما بت بعد ظل بالگلب تگطعن من كثر الجر
لاله اعله بختك يا ترف عالمحب لا تتكبر
او لا تنكر الحبك صدگ وانطاك حتى المنحر
والدنيه ما تگظي ابد لو صارت ابجر او عر
ادنان تاليّك صفه يل چنت شتلة عنبر
حگك ابأيمن صوبت ما گلت للحب اوش
گلي شتحصل لو ذبل خدك بعد يا مشمش
* * *
صد ليّه بعيونك صدگ واصفن فرد وي روحك
شوف اشكثر جبحة وجه خانت الخضر لوحك
او شوف اشكثر صلفه خلگ خانت الشل اجروحك
او حاسبها عالراح او مضه وابزل ابأيدك فوحك
ذيچ امه تعرف علتك ويصير حطبك نوحك
نوح الفجيده اتظل تدگ صبخايه تصبح سوحك
شوف اشكثر طگني الوكت والغير بدموعي ايمش
گلي شتحصل لو ذبل خدك بعد يا مشمش
* * *
صد ليّه بعيونك صدگ الدهر ما دايملك
لوليت الك بعدك طفل ما لولت ابكثري امك
ظنيت من تكبر تظل مخلص الگلبي الضمك
او ظنيت تجبر خاطري او تسمح اليّ بشمك
زود الي چانت ريحتك خرنوب چنت ابفمك
چا وينه حريّك صفه يالگلبي شايل همك
مو حري ملچتك گبل تالي اطلعت لنك كش
گلي شتحصل لو ذبل خدك بعد يا مشمش
* * *
صد ليّه بعيونك صدگ وابسهم گوزك ركز
ولو صحت اخ من الالم راس الگلب حيل الكز
ارتاح كل ما كثرت طعنات احبهن واحرز
لابد يجي يوم ويصح وتريد يشگر نفرز
تلگي اليحبك بس انه ابأولها بعد ايعزز
طبرات شايلك كتر وابكتر نچلات اتحز
وتشوف ياهو الحگ اله ابشخصك تعال وفتش
گلي شتحصل لو ذبل خدك بعد يا مشمش
* * *
صد ليّه بعيونك صدگ بس انته مسموح اتصد
حيث انته مملوح الطرف غصبن علي من اسجد
لو ذبل كل ورد الارض بس انته تبقه امورد
والسبب مجره امدامعي ايساجيك ما يرضه ايسد
يجري على طول الوكت وعله الهطل متعود
سوله اصبَحت بيه البچي وما تطفه ناري وتخمد
يبگه الجمر ما ينطفي وسط الدليل امعرش
گلي شتحصل لو ذبل خدك بعد يا مشمش
* * *
صد ليّه بعيونك صدگ واحسبني جيتك طلاب
جبت الگلب قربان الك معقوله تطبگها الباب
بسطت كلشي اشآمرت وياي الك ظل احساب
هذا الشليل امحضّره حط وانه احط يم اجناب
ان چان الك جروّ فده وان چان الي ظل اعتاب
وانچانك سگمي اگصدت مسگوم انه اشتاي وآب
هذا انه گلي اشبعد الك وابمنجلك جاي اتحش
گلي شتحصل لو ذبل خدك بعد يا مشمش
* * *
صد ليّه بعيونك صدگ من راسي لجدامي اربي
او مر ابنظرتك عالچبد قدر ابرايك تعبي
شوف اشكثر سايات الك استغفر الله ربي
واشكثر خايب حصلت چم سايه الك چم ذنبي
او عاين بكاتيري اشفضل من لوعتي ومن حبي
ان چان باقيلك طلب لو ناوي يشگر سلبي
امسلم ولا شاجف ابد اشما حِلالك اكفش
گلي شتحصل لو ذبل خدك بعد يا مشمش
* * *
صد ليّه بعيونك صدگ وقراني وك اقرايه
مرايه ابوجه خلك صرت شو بالگفه سلايه
هم اكو ابديرتكم بشر للمحب شالو غايه
دور ابشارعكم عدل واسأل ابكل اولايه
عن الغرام او مشكله التفاگه والرمايه
انچان تلگاني سبب خلاك تنگل سايه
فرهد ابكيفك يا ولف وخلي اليحب ايهمش
گلي شتحصل لو ذبل خدك بعد يا مشمش
* * *
صد ليّه بعيونك صدگ واخذ اشبعد مني ظل
وشما تريد او عاينت يالضوگتني الحنظل
اخذ الچبد وي الگلب استنگي ياهو الافضل
اتخير بكيفك يا ترف انته اعله روحي امفضل
وانته لون موش انته اكو اعتقد عگبك ما ظل
اهجر الديره وابتعد عن كل حموله اتنگل
اتناك لو للمگبره لو كلها صارت مامش
گلي شتحصل لو ذبل خدك بعد يا مشمش
* * *
صد ليّه بعيونك صدگ واذكر الي وياك عهود
لا تبخل اعليه ابوصل الله عله الحگ موجود
غرب وشرج بالغدر واردس يبو عيون السود
ياهو العليه امسلطك ديس العنز يا عنگود
چان ارحموني ابمحتني والله لو گوم ايهود
ما رف ابد گلبك ولك من شفت دمعي المهدود
بسك محرم بالبشر من حاجتك ما كمش
گلي شتحصل لو ذبل خدك بعد يا مشمش
* * *
صد ليّه بعيونك صدگ من الجدم حد الراس
روحي اصبحت من عشرتك چن كهوه وسط المحماس
عاين ابعينك صد الي شوف اشكثر شيب الراس
اتگلوط ومامش فزع محتاج منك انفاس
ما جيت لا گلت ابتشر من حاوطوك الحراس
اوصل ورد واتنطرك وانته ولا كل احساس
يمته تحس يالحسست بدموعي حتى المامش
گلي شتحصل لو ذبل خدك بعد يا مشمش
* * *
صد ليّه بعيونك صدگ عظم وجلد مو صفّيت
ما وچد او دربي خطر ياعمي مو تالي اعميت
انجنيت يل زيجك دلع مو حگي شفته انجنيت
والي يجن بمحبتك خي عونه عمي اوياريت
اشما ردت عن حبك اصد بيه انفتن شت شتيت
تسميني امسودن عشگ سميني اشما سميت
بس لا تصد عن الهوه وتخلي دمعاتي اترش
گلي شتحصل لو ذبل خدك بعد يا مشمش
* * *
صد ليّه بعيونك صدگ عن الرقيب اتحول
خافن يشوفك عاذلك وتصير گاله وتنقل
ولمن تحس صار الخطر بالگول صير امعدل
چنك ولا يم التحب وعيونك اتصد تسأل
وادمنا مو وادم گبل چانت بُهل ما تندل
اتبلبدت هسه اتملعنت والضاگها چن حنظل
ورطه او تورطهه الگلب ما يعرف امنين ايدش
گلي شتحصل لو ذبل خدك بعد يا مشمش
* * *
صد ليّه بعيونك صدگ خلي الاذن يم گلبي
اسمع الدگات التدگ بس انته گالت حبي
مطلوب انه ابعشرتك يمك غرب وانه اربي
مرتاح اشوفك منشرح وانه ابعذابك مسبي
تضحك ابحلگك ياترف وگليبي دم ايطبي
والله ما عفت الهوه والذنب ماهو ذنبي
الذنب واشي السببه لمن اجاك ايوشوش
گلي شتحصل لو ذبل خدك بعد يا مشمش
* * *
صد ليّه بعيونك صدگ عن الرقيب اتحول
خافن يشوفك عاذلك وتصير گاله وتنقل
ولمن تحس صار الخطر بالگول صير امعدل
چنك ولا يم التحب وعيونك اتصد تسأل
وادمنا مو وادم گبل چانت بُهل ما تندل
اتبلبدت هسه اتملعنت والضاگها چن حنظل
ورطه او تورطهه الگلب ما يعرف امنين ايدش
گلي شتحصل لو ذبل خدك بعد يا مشمش
* * *
صد ليّه بعيونك صدگ خلي الاذن يم گلبي
اسمع الدگات التدگ بس انته گالت حبي
مطلوب انه ابعشرتك يمك غرب وانه اربي
مرتاح اشوفك منشرح وانه ابعذابك مسبي
تضحك ابحلگك ياترف وگليبي دم ايطبي
والله ما عفت الهوه والذنب ماهو ذنبي
الذنب واشي السببه لمن اجاك ايوشوش
گلي شتحصل لو ذبل خدك بعد يا مشمش
* * *
صد ليّه بعيونك صدگ خلي يدگ الناقوس
شلي ابكنيستكم بعد من يدگ صاير منحوس
هيه ( فلنتينه ) او مشت عافتني صدگ مهووس
چم دوب اظلن منحبس منهو اليفك المحبوس
اصفن وگله للگلب ما فادتك هاي ادروس
خد الترف ذب حمرته چا يمته يا عمي انبوس
وانفوت للجنه عدل رضوان بيده انكمش
گلي شتحصل لو ذبل خدك بعد يا مشمش
* * *
صد ليّه بعيونك صدگ للضيف ما ضل حجه
صحت تجلت وگفضت والمطر راح وثلجه
ضگناك يا ماي الصبخ وجرعنه غصبن مجه
انه الصحيح امشي عدل وتفوز بيك العرجه
والنار تلهب مهجتي وحشاي هجرك وجه
جيب السوالف يم عرب كلمن اشعنده ابخرجه
الناس تحكم بالعدل الاعمه والي ايبربش
گلي شتحصل لو ذبل خدك بعد يا مشمش
* * *
صد ليّه بعيونك صدگ منهو الوگفلك بالضيج
السده تدري ابحالتي تعرف القصه اطوريج
وي الضعن شو حدرت ما يفعل الحادي ايعيج
كلما اخمد نار الي انوب بالزود اتهيج
عدينه ايوب الصبر يالتمشي مدلوع الزيج
يالمبسمك ليلو انسطر تنسه الذي چان ارفيج
تخسه يبو افعال الرده منجلك بحشاي ايحش
گلي شتحصل لو ذبل خدك بعد يا مشمش
* * *
صد ليّه بعيونك صدگ خلي سوالفنه اتْوَل
چتفي ابودادك مو تعب ودواي مو منك مل
راية سِلم رافع انه رافع عليّه المنجل
آنه حبيبك مو چنت عگد انعگد ليش انحل
يا ريم سالب مهجتي چنك غزال امجفل
الله على السوه الزعل شيفيد گلي اليزعل
انه ابهواك اتمشكلت وتأشر ابأيدك اش
گلي شتحصل لو ذبل خدك بعد يا مشمش
* * *
صد ليّه بعيونك صدگ لا تبقه يشگر خايف
واحچي عدل لو سولفت واشبع الناس اسوالف
وصفن على الحبك صدگ محد يعرف العارف
انخاك مره انخه الغرب يمته تحن وتوالف
ونصير روحين ابجسد ونشوّف الماشايف
شفناك يا ديس العنز ردنه نمص اشفايف
تاليك عاگول او سدر شو چلبت وتخرمش
گلي شتحصل لو ذبل خدك بعد يا مشمش
* * *
صد ليّه بعيونك صدگ شفتك حدر شفتك فوگ
لساهه بمسار الدرب ما وچت ابابك نوگ
امزاغل ايصير اموالمك مو فوگ ربك مو فوگ
مردت چبدي او چلوتي والگلب بالصد محروگ
غصبن على البل اتعبر وتصير سلعه بكل سوگ
يا سوگ المساوم تره طحنه ونكرنه الغرنوگ
حبه سبانه وبالچبد مد الحصير او يفرش
گلي شتحصل لو ذبل خدك بعد يا مشمش
* * *
صد ليّه بعيونك صدگ وافحص ولك عمي افحص
ظليت بس عظم او جلد حتى الچبد مني انگص
عضينه من عندك گبل وك الشفايف مو مص
هسه عفتنه او گوطرت لمن غزلنه اتخلبص
ايجازيك الله ابهل عمل يالمايصيدك كل شُص
خليتني ابنص الدرب ومشيت عني امچنص
يا جاسي يالگلبك صخر يلي احرگت فوگي العش
گلي شتحصل لو ذبل خدك بعد يا مشمش
* * *
صد ليّه بعيونك صدگ صد ليه بيهن صده
بلچن ولك صدفه تصح رحمه تجي للسده
لجلك ولك زرت الخضر واشچيت حالي او درده
ورديت يم عون انتحب وادموعي ظلن عنده
يمته تجي اتحل مشكلي وتگول ولفي اشعنده
وانته اتغاوه ابمشيتك ضيعت حتى النشده
طگ مني شريان الگلب انزف ومنهو ايگيش
گلي شتحصل لو ذبل خدك بعد يا مشمش
* * *
صد ليّه بعيونك صدگ لا مره انته المصيود
واتذكر ابنادم تره من لحم يصبح للدود
بابك ردت منه الفرج والگيت بابك مسدود
صحتك يل حبيب تره مگرود ارحم مگرود
كلما اريدن ارتحل رجليّه ردني اردود
ارحمنه عمي ابرحمتك ارحم يبو عيون السود
ابشيبي اجيتك معتني والله مامش كل غش
گلي شتحصل لو ذبل خدك بعد يا مشمش
* * *
صد ليّه بعيونك صدگ جناز صَد لجنازه
هذا التصدله امتيمك مو هد اجه بچرازه
معتاز گلبه الرحمتك وانته التطر العازه
اتگلط واعوف المستحه وحسبهه طلبه اعوازه
يالردنه بس صده تصد وي شيلة الجنازه
يمته تحس ما صچمتك ما نغزتك نغازه
لو صخر جلمود اصبحت يتعب البيك ايفلش
گلي شتحصل لو ذبل خدك بعد يا مشمش
* * *
صد ليّه بعيونك صدگ مالك تشح ابصدك
او تبعد ولا چنك صدگ تعرف حبيب الودك
آنه العرفتك من گبل واشعندك او ما عندك
شتضم على هاذي الخلگ لمن تصعر خدك
اتگول ما عرفه صدگ مقتنع انته ابردك
او كل الشهود اموقعه او شافتك جزرك مدك
وهسه نكرته للهوه وتخرب ابأيدك عش
گلي شتحصل لو ذبل خدك بعد يا مشمش
* * *
صد ليّه بعيونك صدگ شوف اشكثر ساياتك
تنعكس كلها وتنكشف اشما تضم غاياتك
آني الچنتلك بالوزه شبگات اضم اهاتك
وتعتازني وعالراس اجي واگضي الك حاجاتك
هسه تخليني اوحدي يالملتهي ابونساتك
وتگلي ما عندك بخت صدگني محبس فاتك
كلشي فديته العشرِتك تالي طلعت امبّوش
گلي شتحصل لو ذبل خدك بعد يا مشمش
* * *
صد ليّه بعيونك صدگ صدة محب مو مغضب
من تمشي ريض مشيتك جدمك لعد گلبي ايسب
هذا الهوه وشرع الهوه للي يحب خلي ايحب
ما بيها غصبن ًيا ترف والحب طريقه ايعذب
حچي العدل لو سولفت وك اليحب مو مذنب
شتگول باچر بالگبر وراسك يخلي ايشيب
اتگوم وتغطي الزلف والشيبتك بيدك حش
گلي شتحصل لو ذبل خدك بعد يا مشمش
* * *
صد ليّه بعيونك صدگ مامش بعد صر او ضم
آنه الصرتلك بالوزه اخ او ابو او أم او عم
هسه لمن راج التمر ضوگك علي امحرم
وكلما اصيحك من تمر ما تسمع اذانك صم
واني ولك بَوّل عزه لجلك مهدل والطم
دور اذا مثلي اكو مخلص الك روح او خم
تاليها بالشاطي انگطُف وبروجته ما گيش
گلي شتحصل لو ذبل خدك بعد يا مشمش
* * *
صد ليّه بعيونك صدگ شوف اشبگه امن متيم
صد شوفه هذا الچان الك عل صبر عايش يلهم
عگبك الزاد امحاربه وما يشرب الماي اقسم
سبلهه لله وينطرك باچر يمرله امحتم
حته الحلم مامش حلم رحت انته بيمن يحلم
شتريد من عنده بعد واشگد ينوح او ترحم
الچبده منك صخرچت واني الرمش ما يرمش
گلي شتحصل لو ذبل خدك بعد يا مشمش
* * *
صد ليّه بعيونك صدگ مگبل او بالك لتزل
ونفذ ابصدك عالچبد عالريه صد او انزل
واعصاب من ظله عصب كلما نصدلك تثول
عمدا تنزل گذلتك والينكتل ما تفصل
وانه اول الطاحوا ولك وابگه احب ما بطل
يا مشمش امن نعاينك بس انته وحدك تكتل
من يمل ريحة مشمشك نزرع الك لا منحش
گلي شتحصل لو ذبل خدك بعد يا مشمش
رد مع اقتباس
المشاركة الأصلية كتبت بواسطة صًـہۅڤـہِے ًۜۖۗ
