درر العراق

نصرالدين البلداوي · 27/March/2017

السلام عليكم
شلونكم
اليوم حبيت انزل هالموضوع ويكون هذا الموضوع كمذكرة لما يحصل بيومي
فالي يحب يتابعني يشرفني
طبعا المذكرة اكتبها بالليل ويارب تعجبكم
تحياتي لمن سيتابعني
انتظروني يوميا على الليل

د. حسن سعيد · 27/March/2017

سأتابع بالتوفيق لك

zeto · 27/March/2017

بالتوفيق نصر

نصرالدين البلداوي · 27/March/2017

اليوم كل العادة مثل كل يوم الصبح كعدت على الرغم من أنه موقت موبايلي بال7 ونص كعدت تقريبا بال7 ودقيقتين شفت الموبايل شحنه 24 كبل كمت حطيته على الشحن ورجعت نمت ودك المنبه بال7 ونص كمت بدلت لزم الموبايل طفت الكهرباء وراها رحنه اني وأصدقائي للكلية هناك أول ما وصلنه شفت اصدقائي سلمت عليهم وراها افترينه صارت بال8 ونص فلتنه جفت للمحاضرة وجانت اول محاضرة جراحة فم استمتعنه بيها وجانت على تماس ويه شغلنه كاطباء اسنان وجانت عن الأورام الي تصير بالفم وطرق علاجها وراها خلصت المحاضرة وجانت المحاضرة الثانية معالجة اسنان يعني حشوات بس همزين ما اجه الدكتوور ههع أهم شيء نسخت ونفتر وراها اخذنه محاضرة عن تقويم الأسنان وجانت ممتعة صراحة عن تقويم الأسنان في الأطفال وشوكت نسويلهم واذا عدهم فتحة في اللهاة شلون نعالجها وشوكت أفضل وقت الها وراها اخذناها تسخيت وفرات بالكلية لحد ما تعبنه رحنه للكافتريا كالعادة نستلة على شربت على علج
وراها للصور هههع منشبع كل يوم صور
بعدين للبيت هم بدلت هدومي صليت وانتظرت الولد الي ويايه واجوي واتغدينه تقريبا بال3 تمن وفاصوليا وسبانغ مجمدة وراها شربنه جاي وسوالف وضحك شوية ومناقشات ومكافشات لحد ما صارت الساعة بال4 والي يعني هسة كاعد اكتب شصار وراها أن شاء الله نشوف شنو منو لليل