هذا يومي كله بس سوالف وضحك هههعالمشاركة الأصلية كتبت بواسطة دكتورة وطن
شلونها يومياتي؟
هذا يومي كله بس سوالف وضحك هههع
شلونها يومياتي؟
حلوه كولش والله حلو هالموضوع بس زين تطلع وتفتر اني يومي بس دراسه
شكرا ذووقج
اها خطية
لا اني الحمد لله منظم وقتي تقريبا
اعتذر للتاخير عن الطرح بسبب الامتحان
ليلة الاحد الساعة بال2 بالليل نمت ووقت الموبايل بال6 إلا عشرة وتوقيت آخر بال6 ونمت دك المنبه الأول ولا حسيت دك المنبه الثاني حسيت باوعت عد وكت سديته وكلت 5 دقائق واكعد طبعا الكعدة علمود اراجع لامتحان اليوم المهم كعدت كلت يلا مهواية اباوع على الساعة ههع انصدمت بال7 وعشرة كلت لا هواية لحكت جانت عندي 5 محاضرات المهم غسلت وجهي وبديت اراجع خلصت 3 وبديت بال4 وصلت نصها وخابرني صديقي يلا خلي نروح للكلية كمت بدلت أخذت المحاضرتين ورحنه للكلية وكفنه برأس الشارع واجرنه تكسي طبعا انقطيت ب 1500 دينار ههع ابجي لو اكول مياووو المهم وصلنه للكلية نزلنه صديقي كالي امشي للكافتريا كتله اروح وياك بس ما اشرب ولا اكل لأنه صايم والحمد لله المهم رحنه للكافتريا اشترى حليب وعلج وبده يكلي هذا الحليب طيب علساس يقهرني صايم كمله صارت بال8 ونص راجعنه شوية بالمحاضرات لحد ما اجه الدكتوور وجانت اول محاضرة جراحة فم اخذنه محاضرة كلش حلووة جانت عن أمراض الجهاز التنفسي وعلاقتها بطب الاسنان وشلون نتعامل ويه المرضى الي عدعم هاي الأمراض وراها خلصت المحاضرة جانت عدنه محاضرة ثانية بس الحمد لله الدكتور ما اجه هههع تسخيت في تسخيت ساعة كاملة وراها بال10 ونص اجت محاضرة الباطنية طبعا غيرنه القاعة لأنه طلاب المرحلة الثالثة أخذوا قاعتنه للامتحان صعدنه بقاعتهم تقريبا بس 12 طالب وطالبة من 81 طالب وطالبة ههع حوش عدد المهم هذا الدكتوور دخلت او ما دخلت نفس الشيء يعني تقره بالبيت تفتهم خلصت المحاضرة وجان يجي الامتحان المبارك
... كلمن كعد بكرسيه واستلمنه الأسئلة طبعا كانت سؤالين السؤال الأول سؤال متعدد الاختيارات ومكون من 12 نقطة على كل وحدة 5 يعني 60 درجة عليه والسؤال الثاني فرعين كل فرع 20 درجة .. السؤال الأول شوية فكري مع العلم سهلة المهم كملت الامتحان تقريبا بقينه بس 7 بالقاعة لأنه جنت حاير بنقطة والحمد لله طلعت مجاوبها صح .. طلعنه وحلينه الأسئلة وطلع عندي نقطة غلط يعني 5 درجات راحت يبوووو .. المهم اصدقائي بالكافتريا رحت يمهم واشتروا أشياء وكل شوية واحد جايب شيء ويكلي اكل يريد يقهرني جابوا حب شمس اني كلش ضعيف كدامه بس تحملت المهم صارت بال12 ونص صلينه ورحنه للمحاضرة ساعة تقريبا وكملنه دووام وراها ظلينه نفتر بالكلية ساعة تقريبا لحد ما صارت بال2 ونص وطلعنه من الكلية للبيت .. وصلت البيت والحمد لله رحت للثلاجة طلعت الأكل للولد وحميته ولزمت الموبايل تقريبا بال3 اجه صديقي حسين كلي كوم ويايه للمستشفى طبعا قريبة علينه رحنالها مشي وصلنه حجزنه على إذن وانف وحنجرة لأنه حسين جان عنده التهاب باذنه المهم ضلينه ننتظر تقريبا ساعة ونص لحد ما صارت بال4 ونص فتنه للدكتوورة وكشفت على حسين انطته أدوية وكالتله الاسبوع الجاي نسويلك عملية صغرى المهم نزلنه للصيدلية الي يم المستشفى حسين ما رضى يأخذ منها خوفا من القط هههع رجعنه يم صيدلية قريبة للبيت مالتنه سأل على الدوه جان بس واحد والثاني ماعنده حسين كال خرب بحظي لو مأخذ مناك ألمهم صعدنه تكسي وللمستشفى لأنه صراحة تعبت من المشي صايم وعليكم الحساب وصلنه للمستشفى اخذنه الدوه ورجعنه انقط حسبن بالدور 10 الآلاف والسيارة 5000 ههع وصلنه للبيت اني طلعت جبت بيض ولبن وزيتون وصمون وشوية فستوكيات انتظرت لحد ما صارت 6 ونص حطيت البيض علنار وجان يأذن طفيت النار طبعا اليوم جنت مشتهي بيض سلق علنص يعني الصفار مو جامد وجبت الصمون والصينية قشرت البيض فتحت اللبن والزيتون وبديت اكل خلصت 3 صمونات ياربي شكد جووعان والحمد لله خلصت وهسة لعبت شوية شكم لعبة بالموبايل وصارت بال7 و55 دقيقة وبديت اكتب وهسة يلا خلصت
انتظروني لباجر
ااه يارأسي ماهذابالفعل انت شخص مسكين الله يعينك
هههع اي الي خلكااه يارأسي ماهذا
وين اروح
دوم
وين تروح ؟ شوفلك دربونه واكعد بيها
هههع يعني شلون اديحدوم
وين تروح ؟ شوفلك دربونه واكعد بيها
رد مع اقتباس