هنا

[نصرالدين البلداوي]

الساعة ال 12 ليلا انتهى يوم الاثنين وأتى يوم الثلاثاء يوم العيادات الصباحية . يوم الاثنين بعد الساعة الرابعة عصرا ظلت كاعد وافرفر على الموبايل منا سالفة منا موضوع لحد ما كظيتها الوقت إلى الساعة ال 6 و 20 دقيقة وسمعت الأذان وذهبت للصلاة بعد الوضوء جلست للدعاء ثم بدأت بالصلاة بعدها جلست قليلا للتأمل لعلي أجد لنفسي شيء اتلهى به .. فكرت اقره ما اقره افتر أسولف اضحك ماكو شيء كعدت صافن .. بعد شوية صديقي حسن بالبيت ويايه طلب مني أنه نروح اني وياه للولاية بكربلاء نفتر فرحنه لشارع العباس افترينه تقريب الساعة حتى يشتري تكرمون حذاء وراها اشترى الحذاء كللليييش وراها رجعنه ومرينه على محل اشترينه منه حب شمس كظيناها بالطريق سوالف وتكرز حب
لحد ما وصلنه للبيت بدلت وكعدت متكسره رجلي تكسير وراها صاحوا على عشه حسين الي ويانه كام يسوي طبعا اني عجين الكباب والكبه جامدات طلعتها قبل لا اطلع وراها بده يكليها بالطاوة وإني سويت البتيتة والطماطمة كعدنه سوالف وضحك لحد ما صار العشه تقريبا بال 10 و10 كعده نتعشه كملنه عشه بال11 سوالف وضحك لزم الموبايل حان موعد مرتي للتكلم معها وهسة دا اكتبلكم شصار
انتظروني على باجر

[ღĞiяℓღ]

حلو هالموضوع .. اكيد حقرا كل الردود .. ورا السادس
لما يصير لي وقت :$

[نصرالدين البلداوي]

حلو هالموضوع .. اكيد حقرا كل الردود .. ورا السادس
لما يصير لي وقت :$

ذووقج
أن شاء الله يعجبكم يارب
بالتوفيق ويارب اعلى الدرجات

[نصرالدين البلداوي]

الساعة ال3 والنصف عصر يوم الثلاثاء
يوم التعب والإرهاق .. كعدت الصبح تقريبا الساعة 7 و 2 دقيقة كعدت الولد وكمت بدلت ولبست هدومي وراها طلعت انتظرت جماعتي علمود نروح سوية وراها طلعنه بالسيارة ووصلنه للكلية الساعة 8 و15 دقيقة وهناك كظيناها فرات وسوالف منا وسالفة منا لأن طلع اليوم ما عدنه مختبر امرض الفم وراها انتظرنه لل10 ونص حتى يصير وقت عيادة الحشوات .. رحنه لكافتريا الهندسة اني وصديقي محمد كعدنه وكالي اشتهيت لفة همبركر عاد كام جاب لفة الهمبركر اله وإني وصيته لفة كص دجاج وجابلنه قواطي ميرندا شربناها صار وقت العيادة
رحنه إلى اللوكرات كلمن لبس الصدرية وجهز غراض وأدوات العيادة وشلنه الجنط وإلى العيادة اول ما فتت المريض مالتي جان ينتظرني فتت للعيادة حجزت الكرسي مال الشغل وراها كعدت المريض وبديت أخذ منه المعلومات واسجلها صحت للدكتور حتى يشوف السن الي راح اشتغله نطاني ستارت يعني بدأ .. اني نطيته مخدر للسن وبديت اشتغل وكتله راح اشتغل اذا وجعك حتى نوكف كالي اوك اشتغلت والحمد لله ماكو الم بديت اشتغل طبعا المريض جان حالته من بره مو كلش بس لمن فتحت السن لكيته كارثة بحيث ساعتين اني بس اشيل التسوس وكان تسوسه من الصنف الثاني بالانكليزي يسمى class II وهذا مزعج حقيقة والإزعج منه أنه كان السن ما قبل الأخير في الفك العلوي يعني الرؤية قليلة وكذلك الأداة ما توصل بشكل تام مثل البقية المهم بديت أحفر بالسن طلع كلش عميق اني اول ما حفرت كتله احتمال ينفتح حشوة جذر والمهم اني كل ما اشتغل أصيح الدكتوور ويكلي سوي فلان حاجة المهم بعد شلعان الكلب سويت الحفر صحت الدكتور كلي عدل الأرضية وحط قاعدة أو نسميه سمنت فحطيته وبديت أعدل وجان يخلص الوقت صاح الدكتور حطوا حشوة مؤقتة اني حطيتها وكتله للمريض تعالي الاسبوع الجاي حتى نكملها راح المريض نظفت الكرسي عقمته وطلعت وبدلت ورآها فرات روحات جيات صآرت بال3 إلا ربع طلعنه من الكلية وصلنه للبيت بال3 صليت بديت احمي الغده وسويت التمن ولحد هسة منتظره يهدر ههه وجان تصير بال3 ونص وابدي اكتب
انتظروا نصف اليوم الآخر بالليل
​

[الغريب ي]

عاشت ايدك ممكن سؤال دكتور ؟؟

[نصرالدين البلداوي]

عاشت ايدك ممكن سؤال دكتور ؟؟

وانت العايش ورد
اي تفضل

[NAZ‌]

متابعه

[قـَســم ✞]

الساعة ال3 والنصف عصر يوم الثلاثاء
يوم التعب والإرهاق .. كعدت الصبح تقريبا الساعة 7 و 2 دقيقة كعدت الولد وكمت بدلت ولبست هدومي وراها طلعت انتظرت جماعتي علمود نروح سوية وراها طلعنه بالسيارة ووصلنه للكلية الساعة 8 و15 دقيقة وهناك كظيناها فرات وسوالف منا وسالفة منا لأن طلع اليوم ما عدنه مختبر امرض الفم وراها انتظرنه لل10 ونص حتى يصير وقت عيادة الحشوات .. رحنه لكافتريا الهندسة اني وصديقي محمد كعدنه وكالي اشتهيت لفة همبركر عاد كام جاب لفة الهمبركر اله وإني وصيته لفة كص دجاج وجابلنه قواطي ميرندا شربناها صار وقت العيادة
رحنه إلى اللوكرات كلمن لبس الصدرية وجهز غراض وأدوات العيادة وشلنه الجنط وإلى العيادة اول ما فتت المريض مالتي جان ينتظرني فتت للعيادة حجزت الكرسي مال الشغل وراها كعدت المريض وبديت أخذ منه المعلومات واسجلها صحت للدكتور حتى يشوف السن الي راح اشتغله نطاني ستارت يعني بدأ .. اني نطيته مخدر للسن وبديت اشتغل وكتله راح اشتغل اذا وجعك حتى نوكف كالي اوك اشتغلت والحمد لله ماكو الم بديت اشتغل طبعا المريض جان حالته من بره مو كلش بس لمن فتحت السن لكيته كارثة بحيث ساعتين اني بس اشيل التسوس وكان تسوسه من الصنف الثاني بالانكليزي يسمى class II وهذا مزعج حقيقة والإزعج منه أنه كان السن ما قبل الأخير في الفك العلوي يعني الرؤية قليلة وكذلك الأداة ما توصل بشكل تام مثل البقية المهم بديت أحفر بالسن طلع كلش عميق اني اول ما حفرت كتله احتمال ينفتح حشوة جذر والمهم اني كل ما اشتغل أصيح الدكتوور ويكلي سوي فلان حاجة المهم بعد شلعان الكلب سويت الحفر صحت الدكتور كلي عدل الأرضية وحط قاعدة أو نسميه سمنت فحطيته وبديت أعدل وجان يخلص الوقت صاح الدكتور حطوا حشوة مؤقتة اني حطيتها وكتله للمريض تعالي الاسبوع الجاي حتى نكملها راح المريض نظفت الكرسي عقمته وطلعت وبدلت ورآها فرات روحات جيات صآرت بال3 إلا ربع طلعنه من الكلية وصلنه للبيت بال3 صليت بديت احمي الغده وسويت التمن ولحد هسة منتظره يهدر ههه وجان تصير بال3 ونص وابدي اكتب
انتظروا نصف اليوم الآخر بالليل
​

الله يساعدك دكتورنه عجبتني هاي الفقرة لان نادراً الشباب يخدمون نفسهم

[specialtoma]

تسجيل اشتراك
ح كون متابعه لمذكراتك ...بالتوفيق نصر الدين

[نصرالدين البلداوي]

تكملة يومي البارحة .. بعد الساعة ال3 والنصف عصرا .. كعدت بالزاوية يم الشحن ولزمت الموبايل وحجيت ويه اصدقائي بالماسنجر والفايبر لحد ما صارت بال6 وشوية ضجت دخلت على موسيقى درر mp3 ونزلت موسيقى هادئة لأنه اني أحب الموسيقى الهادئة خصوصا إذا كانت كمان أو ناي سمعت الها شوية وجان يأذن كمت صليت .. صديقي إبراهيم خابرني عنده لعبة كرو قدم رحت اله ولعبنه من الساعة 7 و10 إلى الساعة 8 و 15 دقيقة باللعبة تدمرنه لأنه اكثرنه ما لاعبين صار هواية المهم الشوط الأول المباراة 3 للفريق الخصم واحنه صفر بعدها اجه الشوط الثاني لعبنه ونظمنه نفسنه وانتهت المباراة 8 النه والفريق الخصم 6 ههع احنه أبطال .. بدت لعبة العراق الولد شافوها بالكوفي اني رجعت للبيت لكيت بقية الولد كاعدين يشوفون اللعبة على الفيس كعدت وياهم وسوالف وضحك لحد ما اجه الكول الأول للسعودية ضجنه وبعدين كمت حضرت ملابسي سبحت وجانت منعشة لأنه طوبة وتعب وره ما طلعت من الحمام غسلت ملابسي وشريتها وبديت احجي ويه خطيبتي من 11 لحد ال 12 ونص وراها نمت وكعدت هسة اكتب هاي التكملة ... بالنسبة لليوم الظهر اكتبها