.
ليل وفوانيصي........انطفت
وابصحره.......والهندس چل
وظل عندي بس شمعه وجرح
يا خلكي دور........ ع الحل
اشعل شمعتي.....وابقه اون؟
من جرحي......البحاجه شل؟
لو روفه..........بالخيط واظل
ابلا ظوه............وما اندل!!
ما صاحوا.......وانه اركضت
عكده وفزعتلها...........ابحل
ولمن وصلتلهم............. نبي
والساني..............يمهم رتل
ما صدكوا..............لمن كلت
درب العوج ...........ما يعدل
و ذبوني بالبير..........اطلعت
سنبل وعاند...............منجل
صوجي ابظعنهم..........امنت
وادري اليأمن...............ينذل
وادري الجبل..........وشما كبر
ما ينحسب...............اب للتل
هيه المصيبه.............المو بشر
صاير أبد................ما ينمل
والكلبه ابيض...............ينترك
والوحده...............عايش يذبل
ما ينحسب.............شايل ثكل
ال بل طرب..............بس يثگل
للسانه يركص............بالحجي
بل خفه...................ياخذ أول
حبيب العامري
رد مع اقتباس